26 января 2024 года

ВСЕДНЕ́ВНАѦ ВЕЧЕ́РНѦ/ ▲ \

Нача́ло / ▲ \
Свѧще́нникъ: Благослове́нъ Бо́гъ на́шъ, всегда̀, ны́нѣ и при́снѡ, и во вѣ́ки вѣкѡ́въ.

Чтец:

Ами́нь.

Если вечерня совершается отдельно от 9‑го часа́, чита́ется по́лное нача́ло:

Сла́ва Тебѣ̀, Бо́же на́шъ, сла́ва Тебѣ̀.

Царю̀ небе́сный, Утѣ́шителю, Ду́ше и́стины, И́же вездѣ̀ сы́й и всѧ̑ исполнѧ́ѧй, Сокро́вище благи́хъ и жи́зни Пода́телю: прїидѝ и всели́сѧ въ ны̀, и ѡчи́сти ны̀ ѿ всѧ́кїѧ скве́рны, и спасѝ, Бла́же, ду́шы на́шѧ.

Трисвѧто́е, и Ѻ́тче нашъ:

Свѧты́й Бо́же, Свѧты́й Крѣ́пкїй, Свѧты́й Безсме́ртный, поми́луй на́съ. (три́жды, с покло́ны)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Пресвѧта́ѧ Тро́ице, поми́луй насъ; Го́споди, очи́сти грѣхи́ на́шѧ; Влады́ко, прости́ беззако́нія на́ша; Свѧты́й, посѣти́ и исцѣли́ не́мощи на́шѧ, и́мене Твоего́ ра́ди.

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Ѻ́тче нашъ, И́же еси́ на Небесѣ́хъ, да свѧти́тся и́мя Твое́, да пріи́детъ Ца́рствіе Твое́, да бу́детъ во́ля Твоя́, я́ко на небеси́, и на земли́. Хлѣбъ нашъ насу́щный да́ждь намъ днесь, и ѡста́ви намъ до́лги на́шѧ, я́коже и мы́ ѡставля́емъ должникѡ́мъ на́шымъ; и не введи́ насъ во искуше́ніе, но изба́ви насъ отъ лука́ваго.

Возгла́съ: Я́кѡ Твоѐ есть Ца́рство, и си́ла, и сла́ва, Ѻтца́, и Сы́на, и Свѧта́го Ду́ха, ны́нѣ и при́снѡ, и во вѣ́ки вѣкѡ́въ.

Ами́нь.

Го́споди, поми́луй. (12)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Прїиди́те, поклони́мсѧ Царе́ви на́шему Бо́гу.

Прїиди́те, поклони́мсѧ и припаде́мъ Хрїсту̀, Царе́ви на́шему Бо́гу.

Прїиди́те, поклони́мсѧ и припаде́мъ самому̀ Хрїсту̀, Царе́ви и Бо́гу на́шему. (покло́ны трѝ)

Ѱало́мъ предначина́тельный / ▲ \
(Часослов. 2002. С. 147)

Псало́м Дави́ду, о мирсте́м бытии́, 103.

1 Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. 2 Одея́йся све́том, я́ко ри́зою, простира́яй не́бо, я́ко ко́жу. 3 Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. 4 Творя́й А́нгелы Своя́ ду́хи и слуги́ Своя́ пла́мень о́гненный. 5 Основа́яй зе́млю на тве́рди ея́, не преклони́тся в век ве́ка. 6 Бе́здна, я́ко ри́за, одея́ние ея́, на гора́х ста́нут во́ды 7 от запреще́ния Твоего́ побе́гнут, от гла́са гро́ма Твоего́ убоя́тся. 8 Восхо́дят го́ры и нисхо́дят поля́ в ме́сто, е́же основа́л еси́ им. 9 Преде́л положи́л еси́, его́же не пре́йдут, ниже́ обратя́тся покры́ти зе́млю. 10 Посыла́яй исто́чники в де́брех, посреде́ гор про́йдут во́ды. 11 Напая́ют вся зве́ри се́льныя, ждут она́гри в жа́жду свою́. 12 На ты́х пти́цы небе́сныя привита́ют, от среды́ ка́мения дадя́т глас. 13 Напая́яй го́ры от превы́спренних Свои́х, от плода́ дел Твои́х насы́тится земля́. 14 Прозяба́яй траву́ ското́м, и злак на слу́жбу челове́ком, извести́ хлеб от земли́. 15 И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. 16 Насы́тятся древа́ польска́я, ке́дри Лива́нстии, и́хже еси́ насади́л. 17 Та́мо пти́цы вогнездя́тся, ероди́ево жили́ще предводи́тельствует и́ми. 18 Го́ры высо́кия еле́нем, ка́мень прибе́жище за́яцем. 19 Сотвори́л есть луну́ во времена́, со́лнце позна́ за́пад свой. 20 Положи́л еси́ тму, и бысть нощь, в не́йже про́йдут вси зве́рие дубра́внии. 21 Ски́мни рыка́ющии, восхи́тити и взыска́ти от Бо́га пи́щу себе́. 22 Возсия́ со́лнце и собра́шася и в ло́жах свои́х ля́гут. 23 Изы́дет челове́к на де́ло свое́ и на де́лание свое́ до ве́чера. 24 Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. 25 Сие́ мо́ре вели́кое и простра́нное: та́мо га́ди, и́мже несть числа́, живо́тная ма́лая с вели́кими. 26 Та́мо корабли́ препла́вают, змий сей, его́же созда́л еси́ руга́тися ему́. 27 Вся к Тебе́ ча́ют, да́ти пи́щу им во бла́го вре́мя. 28 Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости. 29 Отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. 30 По́слеши Ду́ха Твоего́, и сози́ждутся, и обнови́ши лице́ земли́. 31 Бу́ди сла́ва Госпо́дня во ве́ки, возвесели́тся Госпо́дь о де́лех Свои́х. 32 Призира́яй на зе́млю, и творя́й ю́ трясти́ся, прикаса́яйся гора́м, и дымя́тся. 33 Воспою́ Го́сподеви в животе́ мое́м, пою́ Бо́гу моему́, до́ндеже есмь. 34 Да услади́тся Ему́ бесе́да моя́, аз же возвеселю́ся о Го́споде. 35 Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Со́лнце позна́ за́пад свой; положи́л еси́ тьму, и бысть нощь.

Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Моли́твы свети́льничныѧ / ▲ \
Иерей же, пред святыми дверьми став откровенною главою, глаголет моли́твы светильничныя (Служебник. 2003. С. 18)

Моли́тва 1‑ѧ.

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Я́кѡ подоба́етъ Тебѣ̀ всѧ́каѧ сла́ва, че́сть и поклоне́нїе, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 2‑ѧ.

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, врачу́ и исцели́телю душ на́ших. Наста́ви нас ко приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Я́кѡ Твоѧ̀ держа́ва, и Твоѐ е́сть Ца́рство, и си́ла, и сла́ва, Ѻтца́ и Сы́на и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 3‑ѧ.

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Я́кѡ бла́гъ и человѣколю́бецъ Богъ еси́, и Тебѣ̀ сла́ву возсыла́емъ, Ѻтцу́ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 4‑ѧ.

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Моли́тва 5‑ѧ.

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Ми́лостїю и человѣколю́бїемъ єдиноро́днагѡ Твоегѡ̀ Сы́на, съ Ни́мже благослове́нъ єсѝ, со всесвѧты́мъ, и благи́мъ, и животворѧ́щимъ Твои́мъ Ду́хомъ, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 6‑ѧ.

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя́, Еди́наго блага́го и человеколюби́ваго Бо́га на́шего.

Я́кѡ Ты́ еси́ Богъ на́шъ, и Тебѣ̀ сла́ву возсыла́емъ, Ѻтцу́ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 7‑ѧ.

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам, Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и моли́твы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

Ектенїѧ̀ вели́каѧ / ▲ \
(Служебник. 2003. С. 23)

Ми́ром Го́споду помо́лимся.

Ли́къ: Го́споди, поми́луй.

О свы́шнем ми́ре, и спасе́нии душ на́ших, Го́споду помо́лимся.

Ли́къ: Го́споди, поми́луй.

О ми́ре всего́ мі́ра, благостоя́нии святы́х Бо́жиих церкве́й и соедине́нии всех, Го́споду помо́лимся.

Ли́къ: Го́споди, поми́луй.

О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Ли́къ: Го́споди, поми́луй.

О вели́ком господи́не и отце́ на́шем Святе́йшем Патриа́рсе Кирі́лле, и о господи́не на́шем высокопреѡсвяще́ннѣйшем митрополи́те [или́ архїепи́скопѣ, или́ преѡсвяще́ннѣйшемъ епи́скопѣ] и́мярек, честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

Ли́къ: Го́споди, поми́луй.

О богохрани́мей стране́ на́шей, власте́х и во́инстве ея́, Го́споду помо́лимся.

Ли́къ: Го́споди, поми́луй.

О гра́де сем [или́ о ве́си сей, или́ о святе́й оби́тели се́й], вся́ком гра́де, стране́ и ве́рою живу́щих в ни́х, Го́споду помо́лимся.

Ли́къ: Го́споди, поми́луй.

О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Ли́къ: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных, и о спасе́нии и́х, Го́споду помо́лимся.

Ли́къ: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Пресвѧту́ю, пречи́стую, преблагослове́нную, сла́вную Влады́чицу на́шу Богоро́дицу и Приснодѣ́ву Марі́ю со всѣ́ми свѧты́ми помѧну́вше, са́ми себѐ, и другъ дру́га, и ве́сь живо́тъ на́шъ Хрїсту̀ Бо́гу предади́мъ.

Ли́къ: Тебѣ̀, Го́споди.

Возгла́съ: Я́кѡ подоба́етъ Тебѣ̀ всѧ́каѧ сла́ва, че́сть и поклоне́нїе, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Стїхосло́вїе каѳі́смы 15 [БУ] / ▲ \
Аллилу́иа, 105.

1 Испове́дайтеся Го́сподеви, я́ко Благ, я́ко в век ми́лость Его́. 2 Кто возглаго́лет си́лы Госпо́дни? Слы́шаны сотвори́т вся хвалы́ Его́? 3 Блаже́ни храня́щии суд и творя́щии пра́вду во вся́кое вре́мя. 4 Помяни́ нас, Го́споди, во благоволе́нии люде́й Твои́х, посети́ нас спасе́нием Твои́м. 5 Ви́дети во бла́гости избра́нныя Твоя́, возвесели́тися в весе́лии язы́ка Твоего́, хвали́тися с достоя́нием Твои́м. 6 Согреши́хом со отцы́ на́шими, беззако́нновахом, непра́вдовахом. 7 Отцы́ на́ши во Еги́пте не разуме́ша чуде́с Твои́х, ни помяну́ша мно́жества ми́лости Твоея́ и преогорчи́ша восходя́ще в Чермно́е мо́ре. 8 И спасе́ их и́мене Своего́ ра́ди, сказа́ти си́лу Свою́ 9 и запрети́ Чермно́му мо́рю, и изся́че, и наста́ви я́ в бе́здне, я́ко в пусты́ни. 10 И спасе́ я́ из руки́ ненави́дящих, и изба́ви я́ из руки́ враго́в. 11 Покры́ вода́ стужа́ющыя им, ни еди́н от них избы́сть. 12 И ве́роваша словеси́ Его́, и воспе́ша хвалу́ Его́. 13 Ускори́ша, забы́ша дела́ Его́, не стерпе́ша сове́та Его́ 14 и похоте́ша жела́нию в пусты́ни, и искуси́ша Бо́га в безво́дней. 15 И даде́ им проше́ние их, посла́ сы́тость в ду́шы их. 16 И прогне́ваша Моисе́я в стану́, Ааро́на свята́го Госпо́дня. 17 Отве́рзеся земля́ и пожре́ Дафа́на, и покры́ на со́нмищи Авиро́на 18 и разжже́ся огнь в со́нме их, пла́мень попали́ гре́шники. 19 И сотвори́ша тельца́ в Хори́ве, и поклони́шася истука́нному 20 и измени́ша сла́ву Его́ в подо́бие тельца́ яду́щаго траву́ 21 и забы́ша Бо́га спаса́ющаго их, сотво́ршаго ве́лия во Еги́пте 22 чудеса́ в земли́ Ха́мове, стра́шная в мо́ри Чермне́м. 23 И рече́ потреби́ти их, а́ще не бы Моисе́й, избра́нный Его́, стал в сокруше́нии пред Ним, возврати́ти я́рость Его́, да не погуби́т их. 24 И уничижи́ша зе́млю жела́нную, не я́ша ве́ры словеси́ Его́ 25 и поропта́ша в селе́ниих свои́х, не услы́шаша гла́са Госпо́дня. 26 И воздви́же ру́ку Свою́ на ня́, низложи́ти я́ в пусты́ни. 27 И низложи́ти се́мя их во язы́цех, и расточи́ти я́ в страны́. 28 И причасти́шася Веельфего́ру, и снедо́ша же́ртвы ме́ртвых. 29 И раздражи́ша Его́ в начина́ниих свои́х, и умно́жися в них паде́ние. 30 И ста Финее́с, и уми́лостиви, и преста́ сечь. 31 И вмени́ся ему́ в пра́вду, в род и род до ве́ка. 32 И прогне́ваша Его́ на воде́ пререка́ния, и озло́блен бысть Моисе́й их ра́ди 33 я́ко преогорчи́ша дух его́ и ра́знствова устна́ма свои́ма. 34 Не потреби́ша язы́ки, я́же рече́ Госпо́дь им 35 и смеси́шася во язы́цех, и навыко́ша дело́м их. 36 И порабо́таша истука́нным их, и бысть им в собла́зн 37 и пожро́ша сы́ны своя́ и дще́ри своя́ бесово́м 38 и пролия́ша кровь непови́нную, кровь сыно́в свои́х и дще́рей, я́же пожро́ша истука́нным ханаа́нским, и убие́на бысть земля́ их кровьми́ 39 и оскверни́ся в де́лех их, и соблуди́ша в начина́ниих свои́х. 40 И разгне́вася я́ростию Госпо́дь на лю́ди Своя́, и омерзи́ достоя́ние Свое́ 41 и предаде́ я́ в ру́ки враго́в, и облада́ша и́ми ненави́дящии их. 42 И стужи́ша им врази́ их, и смири́шася под рука́ми их. 43 Мно́жицею изба́ви я́, ти́и же преогорчи́ша Его́ сове́том свои́м и смири́шася в беззако́ниих свои́х. 44 И ви́де Госпо́дь, внегда́ скорбе́ти им, внегда́ услы́шаше моле́ние их. 45 И помяну́ заве́т Свой, и раска́яся по мно́жеству ми́лости Своея́ 46 и даде́ я́ в щедро́ты пред все́ми плени́вшими я́. 47 Спаси́ ны, Го́споди Бо́же наш, и собери́ ны от язы́к испове́датися и́мени Твоему́ свято́му, хвали́тися во хвале́ Твое́й. 48 Благослове́н Госпо́дь Бог Изра́илев от ве́ка и до ве́ка. И реку́т вси лю́дие: бу́ди, бу́ди.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́иа, 106.

1 Испове́дайтеся Го́сподеви, я́ко Благ, я́ко в век ми́лость Его́. 2 Да реку́т изба́влении Го́сподем, и́хже изба́ви из руки́ врага́ 3 и от стран собра́ их, от восто́к и за́пад, и се́вера, и мо́ря. 4 Заблуди́ша в пусты́ни безво́дней, пути́ гра́да оби́тельнаго не обрето́ша. 5 А́лчуще и жа́ждуще, душа́ их в них исчезе́. 6 И воззва́ша ко Го́споду, внегда́ скорбе́ти им, и от нужд их изба́ви я́ 7 и наста́ви я́ на путь прав, вни́ти во град оби́тельный. 8 Да испове́дятся Го́сподеви ми́лости Его́, и чудеса́ Его́ сыново́м челове́ческим 9 я́ко насы́тил есть ду́шу тщу и ду́шу а́лчущу испо́лни благ. 10 Седя́щыя во тьме и се́ни сме́ртней, окова́нныя нище́тою и желе́зом 11 я́ко преогорчи́ша словеса́ Бо́жия и сове́т Вы́шняго раздражи́ша. 12 И смири́ся в труде́х се́рдце их, и изнемого́ша, и не бе помога́яй. 13 И воззва́ша ко Го́споду, внегда́ скорбе́ти им, и от нужд их спасе́ я́ 14 и изведе́ я́ из тьмы и се́ни сме́ртныя, и у́зы их растерза́. 15 Да испове́дятся Го́сподеви ми́лости Его́, и чудеса́ Его́ сыново́м челове́ческим 16 я́ко сокруши́ врата́ ме́дная и вереи́ желе́зныя сломи́. 17 Восприя́т я́ от пути́ беззако́ния их, беззако́ний бо ра́ди свои́х смири́шася. 18 Вся́каго бра́шна возгнуша́ся душа́ их, и прибли́жишася до врат сме́ртных. 19 И воззва́ша ко Го́споду, внегда́ скорбе́ти им, и от нужд их спасе́ я́ 20 посла́ сло́во Свое́ и исцели́ я́, и изба́ви я́ от растле́ний их. 21 Да испове́дятся Го́сподеви ми́лости Его́, и чудеса́ Его́ сыново́м челове́ческим 22 и да пожру́т Ему́ же́ртву хвалы́, и да возвестя́т дела́ Его́ в ра́дости. 23 Сходя́щии в мо́ре в корабля́х, творя́щии де́лания в вода́х мно́гих 24 ти́и ви́деша дела́ Госпо́дня и чудеса́ Его́ во глубине́. 25 Рече́, и ста дух бу́рен, и вознесо́шася во́лны его́ 26 восхо́дят до небе́с и низхо́дят до бездн, душа́ их в злых та́яше: 27 смято́шася, подвиго́шася, я́ко пия́ный, и вся му́дрость их поглощена́ бысть. 28 И воззва́ша ко Го́споду, внегда́ скорбе́ти им, и от нужд их изведе́ я́ 29 и повеле́ бу́ри, и ста в тишину́, и умолко́ша во́лны его́. 30 И возвесели́шася, я́ко умолко́ша, и наста́ви я́ в приста́нище хоте́ния своего́. 31 Да испове́дятся Го́сподеви ми́лости Его́, и чудеса́ Его́ сыново́м челове́ческим: 32 да вознесу́т Его́ в це́ркви людсте́й и на седа́лищи ста́рец восхва́лят Его́. 33 Положи́л есть ре́ки в пусты́ню, и исхо́дища водна́я в жа́жду 34 зе́млю плодоно́сную в сла́ность, от зло́бы живу́щих на ней. 35 Положи́л есть пусты́ню во езе́ра водна́я и зе́млю безво́дную во исхо́дища водна́я. 36 И насели́ та́мо а́лчущыя, и соста́виша гра́ды оби́тельны 37 и насе́яша се́ла, и насади́ша виногра́ды, и сотвори́ша плод жи́тен. 38 И благослови́ я́, и умно́жишася зело́, и скоты́ их не ума́ли. 39 И ума́лишася, и озло́бишася от ско́рби зол и боле́зни. 40 Излия́ся уничиже́ние на кня́зи их, и облазни́ я́ по непрохо́дней, а не по пути́. 41 И помо́же убо́гу от нищеты́ и положи́ я́ко о́вцы оте́чествия. 42 У́зрят пра́вии и возвеселя́тся, и вся́кое беззако́ние загради́т уста́ своя́. 43 Кто прему́др и сохрани́т сия́? И уразуме́ют ми́лости Госпо́дни.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

1 Песнь, псало́м Дави́ду, 107.

2 Гото́во се́рдце мое́, Бо́же, гото́во се́рдце мое́: воспою́ и пою́ во сла́ве мое́й. 3 Воста́ни сла́ва моя́, воста́ни псалти́рю и гу́сли, воста́ну ра́но. 4 Испове́мся Тебе́ в лю́дех, Го́споди, пою́ Тебе́ во язы́цех. 5 Я́ко ве́лия верху́ небе́с ми́лость Твоя́ и до о́блак и́стина Твоя́. 6 Вознеси́ся на Небеса́, Бо́же, и по всей земли́ сла́ва Твоя́ 7 я́ко да изба́вятся возлю́бленнии Твои́: спаси́ десни́цею Твое́ю и услы́ши мя. 8 Бог возглаго́ла во святе́м Свое́м: вознесу́ся и разделю́ Сики́му, и удо́ль селе́ний разме́рю. 9 Мой есть Галаа́д и Мой есть Манасси́й, и Ефре́м заступле́ние главы́ Моея́, Иу́да царь Мой. 10 Моа́в коно́б упова́ния Моего́, на Идуме́ю наложу́ сапо́г Мой: Мне иноплеме́нницы покори́шася. 11 Кто введе́т мя во град огражде́ния? Или́ кто наста́вит мя до Идуме́и? 12 Не Ты ли, Бо́же, отри́нувый нас? И не изы́деши, Бо́же, в си́лах на́ших? 13 Даждь нам по́мощь от ско́рби, и су́етно спасе́ние челове́ческо. 14 О Бо́зе сотвори́м си́лу, и Той уничижи́т враги́ на́ша.

В коне́ц, псало́м Дави́ду, 108.

1 Бо́же, хвалы́ моея́ не премолчи́ 2 я́ко уста́ гре́шнича и уста́ льсти́ваго на мя отверзо́шася, глаго́лаша на мя язы́ком льсти́вым 3 и словесы́ ненави́стными обыдо́ша мя, и бра́шася со мно́ю ту́не. 4 Вме́сто е́же люби́ти мя, оболга́ху мя, аз же моля́хся 5 и положи́ша на мя зла́я за блага́я, и не́нависть за возлюбле́ние мое́. 6 Поста́ви на него́ гре́шника, и диа́вол да ста́нет одесну́ю его́. 7 Внегда́ суди́тися ему́, да изы́дет осужде́н, и моли́тва его́ да бу́дет в грех. 8 Да бу́дут дни́е его́ ма́ли, и епи́скопство его́ да прии́мет ин: 9 да бу́дут сы́нове его́ си́ри, и жена́ его́ вдова́: 10 дви́жущеся да преселя́тся сы́нове его́ и воспро́сят, да изгна́ни бу́дут из домо́в свои́х. 11 Да взы́щет заимода́вец вся, ели́ка суть его́, и да восхи́тят чужди́и труды́ его́. 12 Да не бу́дет ему́ засту́пника, ниже́ да бу́дет ущедря́яй сироты́ его́. 13 Да бу́дут ча́да его́ в погубле́ние, в ро́де еди́ном да потреби́тся и́мя его́. 14 Да воспомяне́тся беззако́ние оте́ц его́ пред Го́сподем, и грех ма́тере его́ да не очи́стится. 15 Да бу́дут пред Го́сподем вы́ну и да потреби́тся от земли́ па́мять их. 16 Зане́же не помяну́ сотвори́ти ми́лость, и погна́ челове́ка ни́ща и убо́га, и умиле́на се́рдцем умертви́ти. 17 И возлюби́ кля́тву, и прии́дет ему́, и не восхоте́ благослове́ния, и удали́тся от него́. 18 И облече́ся в кля́тву я́ко в ри́зу, и вни́де я́ко вода́ во утро́бу его́, и я́ко еле́й в ко́сти его́. 19 Да бу́дет ему́ я́ко ри́за, в ню́же облачи́тся, и я́ко по́яс, и́мже вы́ну опоясу́ется. 20 Сие́ де́ло оболга́ющих мя у Го́спода и глаго́лющих лука́вая на ду́шу мою́. 21 И ты, Го́споди, Го́споди, сотвори́ со мно́ю и́мене ра́ди Твоего́, я́ко бла́га ми́лость Твоя́. 22 Изба́ви мя, я́ко нищ и убо́г есмь аз, и се́рдце мое́ смяте́ся внутрь мене́. 23 Я́ко сень, внегда́ уклони́тися ей, отъя́хся, стрясо́хся я́ко пру́зи. 24 Коле́на моя́ изнемого́ста от поста́, и плоть моя́ измени́ся еле́я ра́ди. 25 И аз бых поноше́ние им, ви́деша мя, покива́ша глава́ми свои́ми. 26 Помози́ ми, Го́споди Бо́же мой, и спаси́ мя по ми́лости Твое́й 27 и да разуме́ют, я́ко рука́ Твоя́ сия́, и Ты, Го́споди, сотвори́л еси́ ю́. 28 Проклену́т ти́и, и Ты благослови́ши, востаю́щии на мя да постыдя́тся, раб же Твой возвесели́тся. 29 Да облеку́тся оболга́ющии мя в срамоту́, и оде́ждутся, я́ко оде́ждею, студо́м свои́м. 30 Испове́мся Го́сподеви зело́ усты́ мои́ми, и посреде́ мно́гих восхвалю́ Его́ 31 я́ко предста́ одесну́ю убо́гаго, е́же спасти́ от гоня́щих ду́шу мою́.

Сла́ва:

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Ектенїѧ̀ ма́лаѧ / ▲ \
(Служебник. 2003. С. 26)

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Возгла́съ: Я́кѡ Твоѧ̀ держа́ва, и Твоѐ е́сть Ца́рство, и си́ла, и сла́ва, Ѻтца́ и Сы́на и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ.

Ами́нь.

Ѱало́мъ вече́рнїй «Го́споди, воззва́хъ» / ▲ \
(Часослов. 2002. С. 151)

Псалмы 140, 141, 129, 116:

Канонарх:

Гла́съ 4‑й: Го́споди, воззва́х к Тебе́, услы́ши мя́.

Хор:

Го́споди, воззва́х к Тебе́, услы́ши мя́. / Услы́ши мя́, Го́споди. / Го́споди, воззва́х к Тебе́, услы́ши мя́: / вонми́ гла́су моле́ния моего́, / внегда́ воззва́ти ми́ к Тебе́. // Услы́ши мя́, Го́споди.

Вторы́й лик:

Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю — / же́ртва вече́рняя. // Услы́ши мя́, Го́споди.

И по чи́ну стїхи́ / ▲ \
1 Положи́, Го́споди, хране́ние усто́м мои́м / и дверь огражде́ния о устна́х мои́х.

2 Не уклони́ се́рдце мое́ в словеса́ лука́вствия / непщева́ти вины́ о гресе́х

1 с челове́ки де́лающими беззако́ние, / и не сочту́ся со избра́нными их.

2 Нака́жет мя́ пра́ведник ми́лостию и обличи́т мя́, / еле́й же гре́шнаго да не нама́стит главы́ моея́,

1 я́ко еще́ и моли́тва моя́ во благоволе́ниих их. / Поже́рты бы́ша при ка́мени судии́ их:

2 услы́шатся глаго́ли мои́, я́ко возмого́ша. / Я́ко то́лща земли́ просе́деся на земли́, расточи́шася ко́сти их при а́де.

1 Я́ко к Тебе́, Го́споди, Го́споди, о́чи мои́: / на Тя́ упова́х, не отыми́ ду́шу мою́.

2 Сохрани́ мя́ от се́ти, ю́же соста́виша ми, / и от собла́зн де́лающих беззако́ние.

1 Паду́т во мре́жу свою́ гре́шницы: / еди́н есмь а́з, до́ндеже прейду́.

2 Гла́сом мои́м ко Го́споду воззва́х, / гла́сом мои́м ко Го́споду помоли́хся.

1 Пролию́ пред Ним моле́ние мое́, / печа́ль мою́ пред Ним возвещу́.

2 Внегда́ исчеза́ти от мене́ ду́ху моему́: / и Ты позна́л еси́ стези́ моя́:

1 на пути́ сем, по нему́же хожда́х, / скры́ша сеть мне.

2 Смотря́х одесну́ю и возгля́дах, / и не бе зна́яй мене́:

1 поги́бе бе́гство от мене́, / и несть взыска́яй ду́шу мою́.

2 Воззва́х к Тебе́, Го́споди, рех: / Ты́ еси́ упова́ние мое́, часть моя́ еси́ на земли́ живы́х.

1 Вонми́ моле́нию моему́, / я́ко смири́хся зело́,

2 изба́ви мя́ от гоня́щих мя́, / я́ко укрепи́шася па́че мене́.

1 На 10: Изведи́ из темни́цы ду́шу мою́, / испове́датися и́мени Твоему́.

2 Мене́ ждут пра́ведницы, / до́ндеже возда́си мне.

1 На 8: Из глубины́ воззва́х к Тебе́, Го́споди, / Го́споди, услы́ши глас мой.

2 Да бу́дут у́ши Твои́ / вне́млюще гла́су моле́ния моего́.

На «Го́споди, воззва́х» стїхи́ры на 6 [БУ] / ▲ \
Мчч. Ерми́ла и Стратони́ка, гла́съ 4‑й.
Подо́бенъ: Дал еси́ зна́мение: (Минея январь. Ч. 1. 2002. С. 529)

Сті́хъ, на 6: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Ерми́л сла́вный, и богому́дрый Стратони́к, / дво́ица чу́дная, / Тро́ицу несозда́нную испове́дающе, / многобо́жную лесть / по мно́гих ра́нах и му́ках победи́ша, / и побе́ды венце́м венча́вшеся, / мо́лятся дарова́ти // конце́м мир и ми́лость.

Сті́хъ: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Сло́ва быв, му́чениче, / служи́тель, Ерми́ле, / избра́ние Боже́ственнаго Ду́ха, / тече́нием кро́ве / свяще́ния оде́жду обагри́в, / свяще́ннейшу и́стинно / и светле́йшу сию́ соверши́л еси́. / И ны́не в Ца́рствия мы́сленная преше́л еси́, // моли́твенник чту́щих тя́ быва́я тепле́йший.

Сті́хъ, на 4: От стра́жи у́тренния до но́щи, от стра́жи у́тренния / да упова́ет Изра́иль на Го́спода.

Оско́рды претерпе́вше, / повеле́ньми му́чащаго, / в ко́шницу вве́ржени бы́сте, / и кончи́ну блаже́нну / и удавле́ние вод о́ба прие́мше, / многоко́зненнаго врага́ си́ми му́дре удави́сте. / И ны́не жи́тельствуете прера́достно на Небесе́х, / о всех моля́щеся, // страда́льцы до́блейшии.

Прпп. оте́ц, в Сина́е и Раи́фе, гла́съ 8‑й.
Подо́бенъ: Что вас нарече́м, святи́и: (Минея январь. Ч. 1. 2002. С. 529)

Сті́хъ: Я́ко у Го́спода ми́лость, и мно́гое у Него́ избавле́ние, / и Той изба́вит Изра́иля от всех беззако́ний его́.

Вельми́ подвиза́стеся, святи́и, / ва́рварское претерпе́сте наше́ствие до́блественне, / ду́ши преда́вше мече́м усе́рдно, / му́ченическими увязо́стеся венцы́, / со а́нгелы водворя́етеся досто́йно. / Мно́го ва́ше терпе́ние, и бо́льша дарова́ния: // моли́те спасти́ся душа́м на́шым.

Сті́хъ: Хвали́те Го́спода вси язы́цы, / похвали́те Его́ вси лю́дие,

Преподо́бнии Христо́ви подвиза́стеся, / привре́менная пренебре́гше жития́ во́лею, / плотско́е покори́сте мудрова́ние до́блественне, / и мечи́ о Христе́ сконча́вшеся, / со а́нгелы водворя́етеся досто́йно. Те́мже ва́ша па́мяти честву́юще, мо́лимся: // моли́те спасти́ся душа́м на́шым.

Сті́хъ: Я́ко утверди́ся ми́лость Его́ на нас, / и и́стина Госпо́дня пребыва́ет во век.

До́бре жи́тельствовасте, святи́и, / му́ченическим подвиго́м уподо́бльшеся до́блественно, / венцы́ с Небесе́ прия́сте: / зако́нно мечи́ и вы пренебрего́сте, / я́ко си́и му́ки попра́ша, / да ку́пно оде́етеся / венце́м страда́ния. // Моли́те спасти́ся душа́м на́шым.

Сла́ва, прпп. оте́ц, в Сина́е и Раи́фе, гла́съ 8‑й. Студи́тово: (Минея январь. Ч. 1. 2002. С. 530)

Сла́ва Отцу́, и Сы́ну, и Свято́му Ду́ху.

Преподо́бнии отцы́, / поучи́вшеся день и нощь в зако́не Госпо́дни, / сподо́бистеся дре́ва живо́тнаго снасажде́нни бы́ти, / и пло́д ва́шего страда́ния венцы́ процвете́. / Дерзнове́ние иму́ще к Подвигополо́жнику Бо́гу, // и нам испроси́те очище́ние и ве́лию ми́лость.

И ны́нѣ, Богоявле́ния, гла́съ 8‑й. Иоа́нна мона́ха: (Минея январь. Ч. 1. 2002. С. 530)

И ны́нѣ, и при́сно, и во вѣ́ки вѣко́въ. Ами́нь.

Го́споди, испо́лнити хотя́, / я́же уста́вил еси́ от ве́ка, / от всея́ тва́ри служи́тели та́йны Твоея́ прия́л еси́: / от А́нгел — Гаврии́ла, от челове́к — Де́ву, / от Небе́с — звезду́ и от вод — Иорда́н, / в не́мже беззако́ние мірско́е потреби́л еси́, // Спа́се наш, сла́ва Тебе́.

«Свѣ́те ти́хїй» / ▲ \
Творе́ніе Софро́нія, патріа́рха Іерусали́мскаго: (Часослов. 2002. С. 156)

Предстоятель, или учине́нный чтец (на практике поет хор):

Свѣ́те ти́хій святы́я сла́вы, / безсме́ртнаго Ѻтца́ небе́снаго, / свята́го блаже́ннаго, Іису́се Христе́; / прише́дше на за́пад со́лнца, / ви́дѣвше свѣт вече́рній, / пое́м Ѻтца́, Сы́на, и Свята́го Ду́ха, Бо́га. / Досто́ин еси́ во вся времена́ / пѣ́т бы́ти гла́сы преподо́бными, / Сы́не Бо́жій, живо́т дая́й, // тѣ́мже мір Тя́ сла́вит.

Прокі́менъ [БУ] / ▲ \
Диакон:

Во́нмемъ.

Свѧще́нникъ: Ми́ръ все́мъ.

Лю́дїе: И ду́хови твоему́.

Прему́дрость, во́нмемъ.

В четверто́к ве́чера (Пс 120. 2, 1), гла́съ 6‑й: (Часослов. 2002. С. 158)

Канонарх:

Проки́менъ, гла́съ 6‑й:

По́мощь моя́ от Го́спода, / сотво́ршаго не́бо и зе́млю.

Хор:

По́мощь моя́ от Го́спода, / сотво́ршаго не́бо и зе́млю.

Сті́хъ: Возведо́х о́чи мои́ в го́ры, / отню́дуже прии́дет по́мощь моя́.

По́мощь моя́ от Го́спода, / сотво́ршаго не́бо и зе́млю.

По́мощь моя́ от Го́спода,

сотво́ршаго не́бо и зе́млю.

«Сподо́би, Го́споди» / ▲ \
(Часослов. 2002. С. 159)

Предстоятель, или́ учине́нный чтец:

Сподо́би Го́споди въ ве́черъ се́й без̾ грѣха̀ сохрани́тисѧ на́мъ. Благослове́нъ єсѝ Го́споди Бо́же ѻтє́цъ на́шихъ, и хва́льно и просла́влено и́мѧ Твоѐ во вѣ́ки. Ами́нь.

Бу́ди Го́споди, ми́лость Твоѧ̀ на на́съ, я́коже упова́хомъ на Тѧ̀. Благослове́нъ єсѝ Го́споди, научи́ мѧ ѡправда́нїємъ Твои̑мъ. Благослове́нъ єсѝ Влады́ко, вразуми́ мѧ̀ ѡправда́нїємъ Твои̑мъ. Благослове́нъ єсѝ Свѧты́й, просвѣти́ мѧ̀ ѡправда́нїи Твои́ми.

Го́споди, ми́лость Твоѧ̀ во вѣ́къ, дѣ́лъ руку̀ Твоє́ю не пре́зри: Тебѣ̀ подоба́етъ хвала̀, Тебѣ̀ подоба́етъ пѣ́нїе, Тебѣ̀ сла́ва подоба́етъ, Ѻтцу̀, и Сы́ну, и Свѧто́му Ду́ху ны́нѣ, и при́снѡ, и во вѣ́ки вѣкѡ́въ. Ами́нь.

Ектенїѧ̀ проси́тельнаѧ / ▲ \
(Служебник. 2003. С. 32)

Испо́лним вече́рнюю моли́тву на́шу Го́сподеви.

Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Го́споди, поми́луй.

Ве́чера всего́ соверше́нна, свя́та, ми́рна и безгре́шна, у Го́спода про́сим.

Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Пода́й, Го́споди.

До́брых и поле́зных душа́м на́шим, и ми́ра мірови, у Го́спода про́сим.

Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Пода́й, Го́споди.

Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на стра́шнем суди́щи Христо́ве про́сим.

Пода́й, Го́споди.

Тебѣ̀, Го́споди.

Возгла́съ: Я́кѡ бла́гъ и человѣколю́бецъ Богъ еси́, и Тебѣ̀ сла́ву возсыла́емъ, Ѻтцу́ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Ми́ръ все́мъ.

Лю́дїе: И ду́хови твоему́.

Главы̑ на́шѧ Го́сподеви прикло́нимъ.

Тебѣ̀, Го́споди.

Моли́тва главоприклоне́нїѧ:

Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

Возгла́съ: Бу́ди держа́ва Ца́рствїѧ Твоегѡ̀ благослове́на и препросла́влена, Ѻтца̀, и Сы́на, и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ.

Ами́нь.

На стїхо́внѣ стїхи́ры [БУ] / ▲ \
Попра́зднства, гла́съ 2‑й.
Подо́бенъ: До́ме Евфра́фов: (Минея январь. Ч. 1. 2002. С. 530)

Яви́ся Оте́ческое.

Яви́ся Оте́ческое / сия́ние сла́вы / во Иорда́нских струя́х, / Креще́нием очища́ющее // скве́рну душ на́ших.

Сті́хъ: Мо́ре ви́де и побеже́, / Иорда́н возврати́ся вспя́ть.

Приими́ раболе́пно, / проро́че Иоа́нне, / Изба́вителя ми́ра, / и крести́ Зижди́теля, // челове́ков на обновле́ние.

Сті́хъ: Что ти́ есть, мо́ре, я́ко побе́гло еси́? / И тебе́ Иорда́не, я́ко возврати́лся еси́ вспя́ть?

Прии́де Просвеще́ние, / и Избавле́ние яви́ся / во Иорда́нских струя́х: / сни́демся очи́ститися // и воспе́ти Человеколю́бца.

Сла́ва, прпп. оте́ц, в Сина́е и Раи́фе, гла́съ 8‑й: (Минея январь. Ч. 1. 2002. С. 531)

Сла́ва Отцу́, и Сы́ну, и Свято́му Ду́ху.

Равноа́нгельное житие́ жи́тельствовавше боле́зньми по́стническими, / отцы́ преподо́бнии, / воздержа́нием те́ло порабо́тивше, повину́сте ду́ху, / де́лателе бы́вше за́поведей Госпо́дних. / Началообра́зную добро́ту зра́ка сохрани́сте / и страда́льческия по́двиги от по́стнических по́тов соверши́сте. / И сугу́быми венцы́ украси́вшеся, // приле́жно Спа́са моли́те спасти́ся нам.

И ны́нѣ, попра́зднства, гла́съ 8‑й: (Минея январь. Ч. 1. 2002. С. 531)

И ны́нѣ, и при́сно, и во вѣ́ки вѣко́въ. Ами́нь.

А́нгельская во́инства ужасо́шася о ви́димем днесь во Иорда́не, / на́гу стоя́щу Ти́, Спа́се, в вода́х, / и пречи́стый верх Твой прекло́ншу крести́тися от Иоа́нна. / Тебе́ бо обнища́вшу во́лею, мир обогати́ся: // Го́споди, сла́ва Тебе́.

«Ны́нѣ отпуща́еши» / ▲ \
(Часослов. 2002. С. 161)

Моли́тва свята́гѡ Сѷмеѡ́на Богопрїи́мца:

Ны́нѣ отпуща́еши раба́ Твоего́, Влады́ко, по глаго́лу Твоему́, с ми́ром: я́ко ви́дѣста о́чи мои́ спасе́ніе Твое́, е́же еси́ угото́вал пред лице́м всѣх люде́й, свѣт во открове́ніе язы́ков, и сла́ву люде́й Твои́х ізра́иля.

Трисвято́е, и «О́тче наш» / ▲ \
Свѧты́й Бо́же, Свѧты́й Крѣ́пкїй, Свѧты́й Безсме́ртный, поми́луй на́съ. (три́жды, с покло́ны)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Ами́нь.

Тропари́ вече́рни [БУ] / ▲ \
Му́чеником (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Му́ченицы Твои́, Го́споди, / во страда́ніих свои́х вѣнцы́ прія́ша нетлѣ́нныя / от Тебе́, Бо́га на́шего: / иму́ще бо крѣ́пость Твою́, мучи́телей низложи́ша, / сокруши́ша и де́монов немощны́я де́рзости, // тех моли́твами спаси́ ду́шы на́шѧ.

Сла́ва, свтт. и прпп. (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Сла́ва Отцу́, и Сы́ну, и Свято́му Ду́ху.

Бо́же оте́ц на́ших, / творя́й при́сно с на́ми по Твое́й кро́тости, / не отста́ви ми́лость Твою́ от на́с: / но моли́твами и́х // в ми́рѣ упра́ви живо́т на́ш.

И ны́нѣ, Богоявле́ния, гла́съ 1‑й: (Минея январь. Ч. 1. 2002. С. 236)

И ны́нѣ, и при́сно, и во вѣ́ки вѣко́въ. Ами́нь.

Во Иорда́не креща́ющуся Тебе́, Го́споди, / Тро́йческое яви́ся поклоне́ние: / Роди́телев бо глас свиде́тельствоваше Тебе́, / возлю́бленнаго Тя́ Сы́на имену́я, / и Дух в ви́де голуби́не / изве́ствоваше словесе́ утвержде́ние. / Явле́йся Христе́ Бо́же // и мір просвеще́й, сла́ва Тебе́.

Ектенїѧ̀ сугу́баѧ / ▲ \
(Служебник. 2003. С. 30)

Поми́луй нас, Бо́же, по вели́цей ми́лости Твое́й, мо́лим Ти́ ся, услы́ши и поми́луй.

Го́споди, поми́луй. (три́жды)

Еще́ мо́лимся о вели́ком господи́не и отце́ на́шем, святе́йшем Патриа́рсе Кирі́лле, и о господи́не на́шем высокопреѡсвяще́ннѣйшем митрополи́те [или́ архїепи́скопѣ, или́ преѡсвяще́ннѣйшемъ епи́скопѣ] и́мярек, и о всей во Христе́ бра́тии на́шей.

Го́споди, поми́луй. (три́жды)

Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Го́споди, поми́луй. (три́жды)

Еще́ мо́лимся о блаже́нных и приснопа́мятных созда́телех свята́го хра́ма сего́ [а́ще во оби́тели: святы́я оби́тели сея́], и о всех пре́жде почи́вших отце́х и бра́тиях, зде лежа́щих и повсю́ду, — правосла́вных.

Го́споди, поми́луй. (три́жды)

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ [а́ще во оби́тели: святы́я оби́тели сея́].

Го́споди, поми́луй. (три́жды)

Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Го́споди, поми́луй. (три́жды)

Возгла́съ: Я́кѡ ми́лостивъ и человѣколю́бецъ Бо́гъ есѝ, и Тебѣ̀ сла́ву возсыла́емъ, Ѻтцу̀, и Сы́ну, и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Оконча́нїе вече́рни / ▲ \
Дїа́конъ: Прему́дрость.

Ли́къ: Благословѝ.

Свѧще́нникъ: Сы́й благослове́нъ Хрїсто́съ Бо́гъ на́шъ, всегда̀, ны́нѣ и при́снѡ, и во вѣ́ки вѣкѡ́въ.

Ли́къ: Ами́нь.

Утвердѝ, Бо́же, [раньше: благочести́вѣйшаго, самодержа́внѣйшаго, вели́каго госуда́рѧ на́шего імпера́тора и́мѧрекъ, и] свѧту́ю правосла́вную вѣ́ру, правосла́вныхъ хрїстїа́нъ во вѣ́къ вѣ́ка.

Свѧще́нникъ: Пресвѧта́ѧ Богоро́дице, спаси́ на́съ.

Ли́къ: Честнѣ́йшую херуві̑мъ, и сла́внѣйшую без̾ сравне́нїѧ серафі̑мъ, без̾ истлѣ́нїѧ Бо́га Сло́ва ро́ждшую, су́щую Богоро́дицу Тѧ̀ велича́емъ.

Пре́дъ ѿпу́стомъ / ▲ \
Свѧще́нникъ: Сла́ва Тебе́, Христе́ Бо́же, упова́ние на́ше, сла́ва Тебе́.

Ли́къ: Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Го́споди, поми́луй. (три́жды)

Благословѝ.

Ѿпу́стъ [БУ] / ▲ \
И́же во Иорда́не крести́тися изво́ливый от Иоа́нна, на́шего ра́ди спасе́ния, Хрісто́съ и́стинный Бо́гъ на́шъ, моли́твами пречи́стыя Своея́ Ма́тере, [свята́го, его́же есть храмъ,] мчч. Ерми́ла и Стратони́ка, прпп. оте́ц, в Сина́е и Раи́фе, [местночти́мыхъ святы́хъ,] и всѣ́хъ святы́хъ, поми́луетъ и спасе́тъ на́съ, я́кѡ благъ и человѣколю́бецъ.

Многоле́тїе / ▲ \
Вели́каго господи́на и отца́ на́шего Кирі́лла Святе́йшаго Патриа́рха Моско́вскаго и всея́ Руси́, / и господи́на на́шего высокопреѡсвяще́ннѣйшаго [или́ преѡсвяще́ннѣйшаго] и́мярек, митрополи́та [или́ архїепи́скопа, или́ епи́скопа] его́ же есть о́бласть, / богохрани́мую страну́ на́шу Росси́йскую, вла́сти и во́инство ея́, / настоя́теля, бра́тию, прихо́жан свята́го хра́ма сего́, и вся правосла́вныя христиа́ны, // Го́споди, сохрани́ их на мно́гая ле́та.

У́ТРЕНѦ/ ▲ \

Двуѱа́лмїе / ▲ \
(Часослов. 2002. С. 38)

Свѧще́нникъ: Благослове́нъ Бо́гъ на́шъ, всегда̀, ны́нѣ и при́снѡ, и во вѣ́ки вѣкѡ́въ.

Чтец:

Ами́нь.

Если утреня совершается в отдельном от полунощницы богослужебном собрании:

Сла́ва Тебѣ̀, Бо́же на́шъ, сла́ва Тебѣ̀.

Трисвѧто́е, и Ѻ́тче нашъ:

Свѧты́й Бо́же, Свѧты́й Крѣ́пкїй, Свѧты́й Безсме́ртный, поми́луй на́съ. (три́жды, с покло́ны)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Ами́нь.

Го́споди, поми́луй. (12)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Прїиди́те, поклони́мсѧ Царе́ви на́шему Бо́гу.

Прїиди́те, поклони́мсѧ и припаде́мъ Хрїсту̀, Царе́ви на́шему Бо́гу.

Прїиди́те, поклони́мсѧ и припаде́мъ самому̀ Хрїсту̀, Царе́ви и Бо́гу на́шему. (покло́ны трѝ)

Сии́ псалмы́ глаго́лются в монастыре́х ко́сно, за е́же кади́ти свяще́ннику бра́тию всю.

1 В коне́ц, псало́м Дави́ду, 19.

2 Услы́шит тя́ Госпо́дь в день печа́ли, защи́тит тя́ и́мя Бо́га Иа́ковля. 3 По́слет ти́ по́мощь от Свята́го и от Сио́на засту́пит тя́. 4 Помяне́т вся́ку же́ртву твою́, и всесожже́ние твое́ ту́чно бу́ди. 5 Даст ти́ Госпо́дь по се́рдцу твоему́ и весь сове́т твой испо́лнит. 6 Возра́дуемся о спасе́нии твое́м и во и́мя Го́спода Бо́га на́шего возвели́чимся. Испо́лнит Госпо́дь вся проше́ния твоя́. 7 Ны́не позна́х, я́ко спасе́ Госпо́дь христа́ Своего́, услы́шит его́ с Небесе́ Свята́го Своего́, в си́лах спасе́ние десни́цы Его́. 8 Си́и на колесни́цах, и си́и на ко́нех, мы же во и́мя Го́спода Бо́га на́шего призове́м. 9 Ти́и спя́ти бы́ша и падо́ша, мы же воста́хом и испра́вихомся. 10 Го́споди, спаси́ царя́ и услы́ши ны, во́ньже а́ще день призове́м Тя́.

1 Псало́м Дави́ду, 20.

2 Го́споди, си́лою Твое́ю возвесели́тся царь и о спасе́нии Твое́м возра́дуется зело́. 3 Жела́ние се́рдца его́ дал еси́ ему́, и хоте́ния устну́ его́ не́си лиши́л его́. 4 Я́ко предвари́л еси́ его́ благослове́нием благосты́нным, положи́л еси́ на главе́ его́ вене́ц от ка́мене че́стна. 5 Живота́ проси́л есть у Тебе́, и дал еси́ ему́ долготу́ дний во век ве́ка. 6 Ве́лия сла́ва его́ спасе́нием Твои́м, сла́ву и велеле́пие возложи́ши на него́. 7 Я́ко да́си ему́ благослове́ние во век ве́ка, возвесели́ши его́ ра́достию с лице́м Твои́м. 8 Я́ко царь упова́ет на Го́спода, и ми́лостию Вы́шняго не подви́жится. 9 Да обря́щется рука́ Твоя́ всем враго́м Твои́м, десни́ца Твоя́ да обря́щет вся ненави́дящыя Тебе́. 10 Я́ко положи́ши их я́ко пещь о́гненную во вре́мя лица́ Твоего́, Госпо́дь гне́вом Свои́м смяте́т я́, и снест их огнь. 11 Плод их от земли́ погуби́ши, и се́мя их от сыно́в челове́ческих. 12 Я́ко уклони́ша на Тя́ зла́я, помы́слиша сове́ты, и́хже не возмо́гут соста́вити. 13 Я́ко положи́ши я́ хребе́т, во избы́тцех Твои́х угото́виши лице́ их. 14 Вознеси́ся, Го́споди, си́лою Твое́ю, воспое́м и пое́м си́лы Твоя́.

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Трисвѧто́е, и Ѻ́тче нашъ:

Свѧты́й Бо́же, Свѧты́й Крѣ́пкїй, Свѧты́й Безсме́ртный, поми́луй на́съ. (три́жды, с покло́ны)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Ами́нь.

И тропари́ сия́:

Спаси́, Го́споди, лю́ди Твоя́ / и благослови́ достоя́ніе Твое́, / побе́ды [раньше: благовѣ́рному імпера́тору на́шему и́мярек] на сопроти́вныя да́руя, // и Твое́ сохраня́я Кресто́м Твои́м жи́тельство.

Сла́ва: Сла́ва Ѻтцу́, и Сы́ну, и Свѧто́му Ду́ху.

Вознесы́йся на Крест во́лею, / тезоимени́тому Твоему́ но́вому жи́тельству / щедро́ты Твоя́ да́руй, Христе́ Бо́же: / возвесели́ нас си́лою Твое́ю [раньше: благовѣ́рнаго імпера́тора на́шего и́мярек], / побе́ды дая́ нам на сопоста́ты, / посо́біе иму́щим Твое́, // ору́жіе ми́ра, непобѣди́мую побѣ́ду.

И ны́нѣ: И ны́нѣ и при́снѡ, и во вѣ́ки вѣкѡ́въ. Ами́нь.

Предста́тельство стра́шное и непосты́дное, / не пре́зри, блага́я, моли́тв на́ших, всепе́тая Богоро́дице, / утверди́ правосла́вных жи́тельство: / спаси́ лю́ди Твоя́ [раньше: благовѣ́рнаго імпера́тора на́шего и́мярек, ему́же повелѣ́ла еси́ ца́рствовати], / и пода́ждь им с небесе́ побѣ́ду, // зане́ родила́ еси́ Бо́га, еди́на благослове́нная.

Ектенія́ сугу́бая (сокращенная): (Служебник. 2003. С. 45)

Священник:

Поми́луй нас, Бо́же, по вели́цей ми́лости Твое́й, мо́лим Ти́ ся, услы́ши и поми́луй.

Го́споди, поми́луй. (три́жды)

Еще́ мо́лимся за всю бра́тию и за вся христиа́ны.

Го́споди, поми́луй. (три́жды)

Ами́нь.

И́менем Госпо́дним благослови́, о́тче.

Іере́й же возглаша́етъ:

Сла́ва свѧтѣ́й, и єдиносу́щнѣй, и животворѧ́щей, и нераздѣ́льнѣй Тро́ицѣ, всегда̀, ны́нѣ и при́снѡ, и во вѣ́ки вѣкѡ́въ.

Ами́нь.

Шестоѱа́лмїе [БУ] / ▲ \
Та́же глаго́лемъ шестоѱа́лмїе, со всѧ́кимъ внима́нїемъ и стра́хомъ Бо́жїимъ, я́кѡ самому собесѣ́дующе Христу́ Бо́гу на́шему неви́димѡ, и молѧ́ще ѡ҆ грѣсѣ́хъ на́шихъ (Часослов. 2002. С. 43)

Предстоятель, или́ учине́нный чтец:

Сла́ва в вы́шних Бо́гу, и на земли́ мир, в челове́цех благоволе́ние. (три́жды)

Го́споди, устне́ мои́ отве́рзеши, и уста́ моя́ возвестя́т хвалу́ Твою́. (два́жды)

1 Псало́м Дави́ду, внегда́ отбега́ше от лица́ Авессало́ма, сы́на своего́, 3.

2 Го́споди, что ся умно́жиша стужа́ющии ми? Мно́зи востаю́т на мя: 3 Мно́зи глаго́лют души́ мое́й: несть спасе́ния ему́ в Бо́зе его́. 4 Ты же, Го́споди, Засту́пник мой еси́, сла́ва моя́ и вознося́й главу́ мою́. 5 Гла́сом мои́м ко Го́споду воззва́х, и услы́ша мя от горы́ святы́я Своея́. 6 Аз усну́х, и спах, воста́х, я́ко Госпо́дь засту́пит мя. 7 Не убою́ся от тем люде́й, о́крест напа́дающих на мя. 8 Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. 9 Госпо́дне есть спасе́ние, и на лю́дех Твои́х благослове́ние Твое́.

А́з усну́х и спах, воста́х, я́ко Госпо́дь засту́пит мя́.

1 Псало́м Дави́ду, в воспомина́ние о суббо́те, 37.

2 Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. 3 Я́ко стре́лы Твоя́ унзо́ша во мне, и утверди́л еси́ на мне ру́ку Твою́. 4 Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. 5 Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. 6 Возсмерде́ша и согни́ша ра́ны моя́ от лица́ безу́мия моего́. 7 Пострада́х и сляко́хся до конца́, весь день се́туя хожда́х. 8 Я́ко ля́двия моя́ напо́лнишася поруга́ний, и несть исцеле́ния в пло́ти мое́й. 9 Озло́блен бых и смири́хся до зела́, рыка́х от воздыха́ния се́рдца моего́. 10 Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. 11 Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. 12 Дру́зи мои́ и и́скреннии мои́ пря́мо мне прибли́жишася и ста́ша 13 и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. 14 Аз же я́ко глух не слы́шах и я́ко нем не отверза́яй уст свои́х. 15 И бых я́ко челове́к не слы́шай и не имы́й во усте́х свои́х обличе́ния. 16 Я́ко на Тя́, Го́споди, упова́х, Ты услы́шиши, Го́споди Бо́же мой. 17 Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. 18 Я́ко аз на ра́ны гото́в, и боле́знь моя́ предо мно́ю есть вы́ну. 19 Я́ко беззако́ние мое́ аз возвещу́ и попеку́ся о гресе́ мое́м. 20 Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. 21 Воздаю́щии ми зла́я возблага́я оболга́ху мя, зане́ гоня́х благосты́ню. 22 Не оста́ви мене́, Го́споди Бо́же мой, не отступи́ от мене́. 23 Вонми́ в по́мощь мою́, Го́споди спасе́ния моего́.

Не оста́ви мене́, Го́споди Бо́же мой, не отступи́ от мене́: Вонми́ в по́мощь мою́, Го́споди спасе́ния моего́.

1 Псало́м Дави́ду, внегда́ бы́ти ему́ в пусты́ни Иуде́йстей, 62.

2 Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. 3 Та́ко во святе́м яви́хся Тебе́, ви́дети си́лу Твою́ и сла́ву Твою́. 4 Я́ко лу́чши ми́лость Твоя́ па́че живо́т, устне́ мои́ похвали́те Тя́. 5 Та́ко благословлю́ Тя́ в животе́ мое́м, о и́мени Твое́м воздежу́ ру́це мои́. 6 Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя́ уста́ моя́. 7 А́ще помина́х Тя́ на посте́ли мое́й, на у́тренних поуча́хся в Тя́. 8 Я́ко был еси́ Помо́щник мой, и в кро́ве крилу́ Твое́ю возра́дуюся. 9 Прильпе́ душа́ моя́ по Тебе́, мене́ же прия́т десни́ца Твоя́. 10 Ти́и же всу́е иска́ша ду́шу мою́, вни́дут в преиспо́дняя земли́ 11 предадя́тся в ру́ки ору́жия, ча́сти ли́совом бу́дут. 12 Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.

На у́тренних поуча́хся в Тя́: я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́: мене́ же прия́т десни́ца Твоя́.

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, без̾ покло́нѡвъ)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

[И исхо́дит свяще́нник от олтаря́ и глаго́лет моли́твы у́тренния та́йно, стоя́й непокрове́н пред святы́ми две́рьми.]

1 Песнь псалма́ сыно́м Коре́овым, в коне́ц, о маеле́фе е́же отвеща́ти, ра́зума Ема́ну Изра́ильтянину, 87.

2 Го́споди Бо́же спасе́ния моего́, во дни воззва́х, и в нощи́ пред Тобо́ю. 3 Да вни́дет пред Тя́ моли́тва моя́: приклони́ у́хо Твое́ к моле́нию моему́ 4 я́ко испо́лнися зол душа́ моя́, и живо́т мой аду прибли́жися. 5 Привмене́н бых с низходя́щими в ров, бых я́ко челове́к без по́мощи 6 в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. 7 Положи́ша мя в ро́ве преиспо́днем, в те́мных и се́ни сме́ртней. 8 На мне утверди́ся я́рость Твоя́, и вся во́лны Твоя́ наве́л еси́ на мя. 9 Уда́лил еси́ зна́емых мои́х от мене́, положи́ша мя ме́рзость себе́: пре́дан бых и не исхожда́х. 10 О́чи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. 11 Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? 12 Еда́ пове́сть кто во гро́бе ми́лость Твою́, и и́стину Твою́ в поги́бели? 13 Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? 14 И аз к Тебе́, Го́споди, воззва́х и у́тро моли́тва моя́ предвари́т Тя́. 15 Вску́ю, Го́споди, отре́еши ду́шу мою́, отвраща́еши лице́ Твое́ от мене́? 16 Нищ есмь аз, и в труде́х от ю́ности моея́; возне́с же ся, смири́хся, и изнемого́х. 17 На мне преидо́ша гне́ви Твои́, устраше́ния Твоя́ возмути́ша мя 18 обыдо́ша мя я́ко вода́, весь день одержа́ша мя вку́пе. 19 Уда́лил еси́ от мене́ дру́га и и́скренняго, и зна́емых мои́х от страсте́й.

Го́споди Бо́же спасе́ния моего́, во дни воззва́х и в нощи́ пред Тобо́ю. Да вни́дет пред Тя́ моли́тва моя́, приклони́ у́хо Твое́ к моле́нию моему́.

Псало́м Дави́ду, 102.

1 Благослови́, душе́ моя́, Го́спода, и вся вну́тренняя моя́ и́мя свя́тое Его́. 2 Благослови́, душе́ моя́, Го́спода, и не забыва́й всех воздая́ний Его́ 3 очища́ющаго вся беззако́ния твоя́, исцеля́ющаго вся неду́ги твоя́ 4 избавля́ющаго от истле́ния живо́т твой, венча́ющаго тя́ ми́лостию и щедро́тами 5 исполня́ющаго во благи́х жела́ние твое́: обнови́тся я́ко о́рля ю́ность твоя́. 6 Творя́й ми́лостыни Госпо́дь, и судьбу́ всем оби́димым. 7 Сказа́ пути́ Своя́ Моисе́ови, сыново́м Изра́илевым хоте́ния Своя́: 8 Щедр и ми́лостив Госпо́дь, долготерпели́в и многоми́лостив. 9 Не до конца́ прогне́вается, ниже́ во век вражду́ет 10 не по беззако́нием на́шим сотвори́л есть нам, ниже́ по грехо́м на́шым возда́л есть нам. 11 Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. 12 Ели́ко отстоя́т восто́цы от за́пад, уда́лил есть от нас беззако́ния на́ша. 13 Я́коже ще́дрит оте́ц сы́ны, уще́дри Госпо́дь боя́щихся Его́. 14 Я́ко Той позна́ созда́ние на́ше, помяну́, я́ко персть есмы́. 15 Челове́к, я́ко трава́ дни́е его́, я́ко цвет се́льный, та́ко оцвете́т 16 я́ко дух про́йде в нем, и не бу́дет, и не позна́ет ктому́ ме́ста своего́. 17 Ми́лость же Госпо́дня от ве́ка и до ве́ка на боя́щихся Его́ 18 и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. 19 Госпо́дь на Небеси́ угото́ва Престо́л Свой, и Ца́рство Его́ все́ми облада́ет. 20 Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. 21 Благослови́те Го́спода вся си́лы Его́, слуги́ Его́, творя́щии во́лю Его́. 22 Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.

На вся́ком ме́сте влады́чествия Его́, благослови́, душе́ моя́, Го́спода.

Псало́м Дави́ду, егда́ гоня́ше его́ Авессало́м, сын его́, 142.

1 Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й 2 и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. 3 Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. 4 И уны́ во мне дух мой, во мне смяте́ся се́рдце мое́. 5 Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. 6 Возде́х к Тебе́ ру́це мои́, душа́ моя́, я́ко земля́ безво́дная Тебе́. 7 Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. 8 Слы́шану сотвори́ мне зау́тра ми́лость Твою́, я́ко на Тя́ упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. 9 Изми́ мя от враг мои́х, Го́споди, к Тебе́ прибего́х. 10 Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. 11 И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. 12 И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Услы́ши мя́, Го́споди, в пра́вде Твое́й: и не вни́ди в суд с рабо́м Твои́м.

Дух Твой Благи́й наста́вит мя́ на зе́млю пра́ву.

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Моли́твы у́треннїѧ / ▲ \
По трїе́хъ же ѱалме́хъ іере́й глаго́летъ моли́твы у́треннїѧ, стоѧ́й непокрове́нъ предъ святы́ми две́рьми (Служебник. 2003. С. 47)

Моли́тва 1‑ѧ:

Благодари́м Тя́, Го́споди Бо́же наш, возста́вившаго нас от ло́жей на́ших, и вложи́вшаго во уста́ на́ша сло́во хвале́ния, е́же покланя́тися, и призыва́ти и́мя Твое́ свято́е, и мо́лимся Твои́м щедро́там, и́хже всегда́ употребля́л еси́ о на́шей жи́зни. И ны́не посли́ по́мощь Твою́ на предстоя́щия пред лице́м святы́я сла́вы Твоея́, и ожида́ющия от Тебе́ бога́тыя ми́лости, и да́ждь им, со стра́хом и любо́вию всегда́ Тебе́ служа́щим, хвали́ти неисповеди́мую Твою́ бла́гость.

Моли́тва 2‑ѧ:

От но́щи у́тренюет дух наш к Тебе́, Бо́же наш, зане́ свет повеле́ния Твоя́ на земли́. Пра́вду и святы́ню соверша́ти во стра́се Твое́м вразуми́ ны: Тебе́ бо сла́вим, вои́стинну су́щаго Бо́га на́шего. Приклони́ у́хо Твое́ и услы́ши ны, и помяни́, Го́споди, су́щия и моля́щияся с на́ми вся по и́мени, и спаси́ я́ си́лою Твое́ю, благослови́ лю́ди Твоя́ и освяти́ достоя́ние Твое́. Мир мірови Твоему́ да́руй, це́рквам Твои́м, свяще́нником и всем лю́дем Твои́м.

Я́кѡ благослови́сѧ и просла́висѧ всечестно́е и великолѣ́пое и́мѧ Твоѐ, Ѻтца̀, и Сы́на, и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 3‑ѧ:

От но́щи у́тренюет ду́х наш к Тебе́, Бо́же, зане́ све́т повеле́ния Твоя́. Научи́ нас, Бо́же, пра́вде Твое́й, за́поведем Твои́м и оправда́нием Твои́м. Просвети́ о́чи мы́слей на́ших, да не когда́ у́снем во гресе́х в сме́рть. Отжени́ вся́кий мра́к от серде́ц на́ших. Да́руй нам со́лнце пра́вды, и ненаве́тну жизнь на́шу соблюди́ печа́тию Свята́го Твоего́ Ду́ха. Испра́ви стопы́ на́ша на путь ми́ра. Да́ждь нам ви́дети у́тро и де́нь в ра́довании, да Тебе́ у́тренния возсыла́ем моли́твы.

Моли́тва 4‑ѧ:

Влады́ко Бо́же, святы́й и непостижи́мый, реки́й из тьмы све́ту возсия́ти, упоко́ивый нас в нощне́м сне́ и возста́вивый к славосло́вию и мольбе́ Твоея́ бла́гости. Умоля́емь от Своего́ Ти́ благоутро́бия, приими́ нас и ны́не покланя́ющихся Тебе́ и по си́ле благодаря́щих Тя́, и да́руй нам вся, я́же ко спасе́нию, проше́ния. Покажи́ ны сы́ны све́та и дне и насле́дники ве́чных Твои́х благ. Помяни́, Го́споди, во мно́жестве щедро́т Твои́х и вся лю́ди Твоя́, су́щия и моля́щияся с на́ми, и всю бра́тию на́шу, я́же на земли́, на мо́ри, на вся́ком ме́сте влады́чествия Твоего́, тре́бующих Твоего́ человеколю́бия и по́мощи, и всем пода́й вели́кую Твою́ ми́лость. Да спасе́ни душе́ю же и те́лом всегда́ пребыва́юще, со дерзнове́нием сла́вим чу́дное и благослове́нное и́мя Твое́ — Ѻтца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Я́кѡ Бо́гъ ми́лости, щедро́тъ и человѣколю́бїѧ єсѝ, и Тебѣ̀ сла́ву возсыла́емъ, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 5‑ѧ:

Благи́х сокро́вище, исто́чниче приснотеку́щий, О́тче святы́й, чудотво́рче, всеси́льне и Вседержи́телю, вси Тебе́ покланя́емся и Тебе́ мо́лимся Твоя́ ми́лости, и Твоя́ щедро́ты призыва́юще на по́мощь и заступле́ние на́шего смире́ния. Помяни́, Го́споди, Твоя́ рабы, приими́ всех нас у́тренняя моле́ния, я́ко кади́ло пред Тобо́ю, и да ни еди́наго от нас неиску́сна сотвори́ши, но вся ны снабди́ щедро́тами Твои́ми. Помяни́, Го́споди, бдя́щия и пою́щия во сла́ву Твою́, и единоро́днаго Твоего́ Сы́на и Бо́га на́шего, и Свята́го Твоего́ Ду́ха; бу́ди тем помо́щник и засту́пник, приими́ их мольбы в пренебе́сный и мы́сленный Твой же́ртвенник.

Моли́тва 6‑ѧ:

Благодари́м Тя́, Го́споди Бо́же спасе́ний на́ших, я́ко вся твори́ши во благоде́тельство жи́зни на́шея, да всегда́ к Тебе́ взира́ем Спа́су и благоде́телю душ на́ших. Я́ко препоко́ил еси́ нас в мимоше́дшее но́щи число́ и воздви́гл еси́ ны от лож на́ших, и поста́вил еси́ в поклоне́ние честна́го и́мене Твоего́. Те́мже мо́лим Тя́, Го́споди, да́ждь нам благода́ть и си́лу, да сподо́бимся пе́ти Тебе́ разу́мно и моли́тися непреста́нно, во стра́се и тре́пете свое́ спасе́ние соде́ловающе заступле́нием Христа́ Твоего́. Помяни́, Го́споди, и в нощи́ к Тебе́ вопию́щия, услы́ши я́ и поми́луй, и сокруши́ под но́зе их неви́димыя и бори́тельныя враги́.

Ты́ бо єсѝ Ца́рь ми́ра, и Спа́съ ду́шъ на́шихъ, и Тебѣ̀ сла́ву возсыла́емъ, Ѻтцу̀, и Сы́ну, и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 7‑ѧ:

Бо́же и О́тче Го́спода на́шего Иису́са Христа́, возста́вивый ны от ло́жей на́ших и собра́вый ны в ча́с моли́твы, да́ждь нам благода́ть во отверзе́ние у́ст на́ших, и приими́ на́ша по си́ле благодаре́ния, и научи́ ны оправда́нием Твои́м: зане́ помоли́тися, я́коже подоба́ет, не ве́мы, а́ще не Ты, Го́споди, Святы́м Твои́м Ду́хом наста́виши ны́. Те́мже мо́лимся Тебе́, а́ще что согреши́хом да́же до настоя́щаго часа́, сло́вом, или́ де́лом, или́ помышле́нием, во́лею или́ нево́лею, осла́би, оста́ви, прости́; а́ще бо беззако́ния на́зриши, Го́споди, Го́споди, кто постои́т, я́ко у Тебе́ избавле́ние есть. Ты еси́ еди́н святы́й, помо́щник держа́вный, защи́титель жи́зни на́шея, и о Тебе́ пе́ние на́ше всегда́.

Бу́ди держа́ва Ца́рствїѧ Твоегѡ̀ благослове́на и препросла́влена, Ѻтца̀, и Сы́на, и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 8‑ѧ:

Го́споди Бо́же наш, со́нное уны́ние отгна́вый от нас и сопризва́вый ны зва́нием святы́м, е́же и в нощи́ воздева́ти ру́ки на́ша и испове́датися Тебе́ о судьба́х пра́вды Твоея́. Приими́ мольбы́ на́ша, моле́ния, испове́дания, нощны́я слу́жбы, и да́руй нам, Бо́же, ве́ру непосты́дну, наде́жду изве́стну, любо́вь нелицеме́рну, благослови́ на́ша вхо́ды и исхо́ды, дея́ния, дела́, словеса́, помышле́ния, и да́ждь нам пости́гнути в нача́ло дне, хва́лящим, пою́щим, благословя́щим Твоея́ неизрече́нныя благосты́ни бла́гость.

Я́кѡ благослови́сѧ всесвѧто́е и́мѧ Твоѐ, и просла́висѧ Ца́рство Твоѐ, Ѻтца̀, и Сы́на, и Свѧта́гѡ Ду́ха, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 9‑ѧ:

Возсия́й в сердца́х на́ших, человеколю́бче Влады́ко, Твоего́ богоразу́мия нетле́нный свет, и мы́сленныя на́ша отве́рзи о́чи во ева́нгельских Твои́х пропове́даний разуме́ние. Вложи́ в нас и блаже́нных Твои́х за́поведей страх, да плотския по́хоти вся попра́вше, духо́вное жи́тельство про́йдем, вся я́же ко благоугожде́нию Твоему́ и му́дрствующе и де́юще.

Ты бо еси́ освяще́ние и просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со безнача́льным Твои́м Отце́м и всесвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Моли́тва 10‑ѧ:

Го́споди Бо́же наш, покая́нием оставле́ние челове́ком дарова́вый, и во о́браз нам позна́ния грехо́в и испове́дания, проро́ка Дави́да покая́ние к проще́нию показа́вый, Сам Влады́ко, во мно́гая ны и вели́кая па́дшия согреше́ния, поми́луй по вели́цей ми́лости Твое́й, и по мно́жеству щедро́т Твои́х очи́сти беззако́ния на́ша, я́ко Тебе́ согреши́хом, Го́споди, и безве́стная и та́йная се́рдца челове́ческаго ве́дущему, и еди́ному иму́щему вла́сть оставля́ти грехи́. Се́рдце же чи́сто созда́в в нас, и Ду́хом Влады́чним утверди́в нас, и ра́дость спасе́ния Твоего́ сказа́в нам, не отри́ни нас от лица́ Твоего́, но благоволи́, я́ко благ и человеколю́бец, да́же до после́дняго на́шего издыха́ния, приноси́ти Тебе́ же́ртву пра́вды и возноше́ние во святы́х Твои́х же́ртвенницех.

Ми́лостию, и щедро́тами, и человеколю́бием единоро́днаго Твоего́ Сы́на, с ни́мже благослове́н еси́, со всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Моли́тва 11‑ѧ:

Бо́же, Бо́же наш, у́мныя и слове́сныя соста́вивый Си́лы Твое́ю во́лею, Тя́ мо́лим и Тебе́ ми́ли де́емся: приими́ на́ше по си́ле славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: еди́н бо еси́ Бог и́стинный и многоми́лостивый.

Я́кѡ Тѧ̀ хва́лѧтъ всѧ̑ си̑лы небе́сныѧ, и Тебѣ̀ сла́ву возсыла́емъ, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Моли́тва 12‑ѧ:

Хва́лим, пое́м, благослови́м и благодари́м Тя́, Бо́же оте́ц на́ших, я́ко преве́л еси́ се́нь нощну́ю, и показа́л еси́ нам па́ки свет дневны́й. Но мо́лим Твою́ бла́гость, очи́сти грехи́ на́ша и приими́ моле́ние на́ше вели́ким Твои́м благоутро́бием, я́ко к Тебе́ прибега́ем ми́лостивому и всеси́льному Бо́гу. Возсия́й в сердца́х на́ших и́стинное со́лнце пра́вды Твоея́, просвети́ ум наш, и чу́вства вся соблюди́, да я́ко во дни́ благообра́зно ходя́ще путе́м за́поведей Твои́х, дости́гнем в жизнь ве́чную, я́ко у Тебе́ есть исто́чник жи́зни, и в наслажде́нии бы́ти сподо́бимся непристу́пнаго Твоего́ све́та.

Ектенїѧ̀ вели́каѧ / ▲ \
(Служебник. 2003. С. 57)

Ми́ром Го́споду помо́лимся.

Ли́къ: Го́споди, поми́луй.

О свы́шнем ми́ре, и спасе́нии душ на́ших, Го́споду помо́лимся.

Ли́къ: Го́споди, поми́луй.

О ми́ре всего́ мі́ра, благостоя́нии святы́х Бо́жиих церкве́й и соедине́нии всех, Го́споду помо́лимся.

Ли́къ: Го́споди, поми́луй.

О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Ли́къ: Го́споди, поми́луй.

О богохрани́мей стране́ на́шей, власте́х и во́инстве ея́, Го́споду помо́лимся.

Ли́къ: Го́споди, поми́луй.

О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Ли́къ: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных, и о спасе́нии и́х, Го́споду помо́лимся.

Ли́къ: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Ами́нь.

«Бог Госпо́дь», гла́съ 1‑й / ▲ \
(Часослов. 2002. С. 56)

Канонарх:

Бог Госпо́дь и яви́ся нам, благослове́н Гряды́й во и́мя Госпо́дне.

Сті́хъ 1: Испове́дайтеся Го́сподеви, я́ко благ, я́ко в век ми́лость Его́.

Бог Госпо́дь и яви́ся нам, / благослове́н Гряды́й // во и́мя Госпо́дне.

Сті́хъ 2: Обыше́дше обыдо́ша мя́ и и́менем Госпо́дним противля́хся им.

Бог Госпо́дь и яви́ся нам, / благослове́н Гряды́й // во и́мя Госпо́дне.

Сті́хъ 3: Не умру́, но жив бу́ду и пове́м дела́ Госпо́дня.

Бог Госпо́дь и яви́ся нам, / благослове́н Гряды́й // во и́мя Госпо́дне.

Сті́хъ 4: Ка́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей и есть ди́вен во очесе́х на́ших.

Бог Госпо́дь и яви́ся нам, / благослове́н Гряды́й // во и́мя Госпо́дне.

Тропари́ на «Бог Госпо́дь» [БУ] / ▲ \
Богоявле́ния, гла́съ 1‑й: (Минея январь. Ч. 1. 2002. С. 236)

Му́чеником (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Сла́ва, свтт. и прпп. (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Сла́ва Отцу́, и Сы́ну, и Свято́му Ду́ху.

И ны́нѣ, Богоявле́ния, гла́съ 1‑й: (Минея январь. Ч. 1. 2002. С. 236)

И ны́нѣ, и при́сно, и во вѣ́ки вѣко́въ. Ами́нь.

Стїхосло́вїе ѱалти́рѧ [БУ] / ▲ \
Стїхосло́вїе каѳі́смы 19 [БУ] / ▲ \
Хор:

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́иа, 134.

1 Хвали́те и́мя Госпо́дне, хвали́те, раби́ Го́спода 2 стоя́щии во хра́ме Госпо́дни, во дво́рех до́му Бо́га на́шего. 3 Хвали́те Го́спода, я́ко Благ Госпо́дь, по́йте и́мени Его́, я́ко добро́: 4 я́ко Иа́кова избра́ Себе́ Госпо́дь, Изра́иля в достоя́ние Себе́. 5 Я́ко аз позна́х, я́ко Ве́лий Госпо́дь, и Госпо́дь наш над все́ми бо́ги. 6 Вся ели́ка восхоте́ Госпо́дь, сотвори́ на небеси́ и на земли́, в моря́х и во всех бе́зднах. 7 Возводя́ о́блаки от после́дних земли́, мо́лнии в дождь сотвори́, изводя́й ве́тры от сокро́вищ Свои́х. 8 И́же порази́ пе́рвенцы Еги́петския, от челове́ка до скота́. 9 Посла́ зна́мения и чудеса́ посреде́ Тебе́, Еги́пте, на фарао́на и на вся рабы́ его́. 10 И́же порази́ язы́ки мно́ги и изби́ цари́ кре́пки: 11 Сио́на, царя́ Аморре́йска, и О́га, царя́ Васа́нска, и вся ца́рствия Ханаа́нска 12 и даде́ зе́млю их достоя́ние, достоя́ние Изра́илю, лю́дем Свои́м. 13 Го́споди, и́мя Твое́ в век и па́мять Твоя́ в род и род: 14 я́ко суди́ти и́мать Госпо́дь лю́дем Свои́м, и о рабе́х Свои́х умо́лится. 15 И́доли язы́к, сребро́ и зла́то, дела́ рук челове́ческих. 16 Уста́ и́мут, и не возлаго́лют, о́чи и́мут, и не у́зрят 17 у́ши и́мут, и не услы́шат, ниже́ бо есть дух во усте́х их. 18 Подо́бни им да бу́дут творя́щии я́, и вси наде́ющиися на ня́. 19 До́ме Изра́илев, благослови́те Го́спода, до́ме Ааро́нь, благослови́те Го́спода, до́ме Леви́ин, благослови́те Го́спода. 20 Боя́щиися Го́спода, благослови́те Го́спода. 21 Благослове́н Госпо́дь от Сио́на, живы́й во Иерусали́ме.

Аллилу́иа, 135.

1 Испове́дайтеся Го́сподеви, я́ко благ, я́ко в век ми́лость Его́. 2 Испове́дайтеся Бо́гу бого́в, я́ко в век ми́лость Его́. 3 Испове́дайтеся Го́сподеви господе́й, я́ко в век ми́лость Его́. 4 Сотво́ршему чудеса́ ве́лия еди́ному, я́ко в век ми́лость Его́. 5 Сотво́ршему небеса́ ра́зумом, я́ко в век ми́лость Его́. 6 Утверди́вшему зе́млю на вода́х, я́ко в век ми́лость Его́. 7 Сотво́ршему свети́ла ве́лия еди́ному, я́ко в век ми́лость Его́. 8 Со́лнце во о́бласть дне, я́ко в век ми́лость Его́. 9 Луну́ и зве́зды во о́бласть но́щи, я́ко в век ми́лость Его́. 10 Порази́вшему Еги́пта с пе́рвенцы его́, я́ко в век ми́лость Его́ 11 и изве́дшему Изра́иля от среды́ их, я́ко в век ми́лость Его́. 12 Руко́ю кре́пкою и мы́шцею высо́кою, я́ко в век ми́лость Его́. 13 Разде́льшему Чермно́е мо́ре в разделе́ния, я́ко в век ми́лость Его́. 14 И прове́дшему Изра́иля посреде́ его́, я́ко в век ми́лость Его́. 15 И истря́сшему фарао́на и си́лу его́ в мо́ре Чермно́е, я́ко в век ми́лость Его́. 16 Прове́дшему лю́ди Своя́ в пусты́ни, я́ко в век ми́лость Его́. 17 Порази́вшему цари́ ве́лия, я́ко в век ми́лость Его́ 18 и уби́вшему цари́ кре́пкия, я́ко в век ми́лость Его́: 19 Сио́на, царя́ Аморре́йска, я́ко в век ми́лость Его́ 20 и О́га, царя́ Васа́нска, я́ко в век ми́лость Его́. 21 И да́вшему зе́млю их достоя́ние, я́ко в век ми́лость Его́. 22 Достоя́ние Изра́илю, рабу́ Своему́, я́ко в век ми́лость Его́. 23 Я́ко во смире́нии на́шем помяну́ ны Госпо́дь, я́ко в век ми́лость Его́. 24 И изба́вил ны есть от враго́в на́ших, я́ко в век ми́лость Его́. 25 Дая́й пи́щу вся́кой пло́ти, я́ко в век ми́лость Его́. 26 Испове́дайтеся Бо́гу Небе́сному, я́ко в век ми́лость Его́.

Дави́ду Иереми́ем, 136.

1 На река́х Вавило́нских, та́мо седо́хом и пла́кахом, внегда́ помяну́ти нам Сио́на. 2 На ве́рбиих посреде́ его́ обе́сихом орга́ны на́ша. 3 Я́ко та́мо вопроси́ша ны пле́ншии нас о словесе́х пе́сней и ве́дшии нас о пе́нии: воспо́йте нам от пе́сней Сио́нских. 4 Ка́ко воспое́м песнь Госпо́дню на земли́ чужде́й? 5 А́ще забу́ду тебе́, Иерусали́ме, забве́на бу́ди десни́ца моя́. 6 Прильпни́ язы́к мой горта́ни моему́, а́ще не помяну́ тебе́, а́ще не предложу́ Иерусали́ма, я́ко в нача́ле весе́лия моего́. 7 Помяни́, Го́споди, сы́ны Едо́мския, в день Иерусали́мль глаго́лющыя: истоща́йте, истоща́йте до основа́ний его́. 8 Дщи Вавило́ня окая́нная, блаже́н и́же возда́ст тебе́ воздая́ние твое́, е́же воздала́ еси́ нам. 9 Блаже́н и́же име́т и разбие́т младе́нцы твоя́ о ка́мень.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Псало́м Дави́ду, Агге́я и Заха́рии, 137.

1 Испове́мся Тебе́, Го́споди, всем се́рдцем мои́м, и пред А́нгелы воспою́ Тебе́, я́ко услы́шал еси́ вся глаго́лы уст мои́х. 2 Поклоню́ся ко хра́му свято́му Твоему́ и испове́мся и́мени Твоему́ о ми́лости Твое́й и и́стине Твое́й, я́ко возвели́чил еси́ над всем и́мя Твое́ свято́е. 3 Во́ньже а́ще день призову́ Тя́, ско́ро услы́ши мя: умно́жиши мя в души́ мое́й си́лою Твое́ю. 4 Да испове́дятся Тебе́, Го́споди, вси ца́рие зе́мстии, я́ко услы́шаша вся глаго́лы уст Твои́х 5 и да воспою́т в путе́х Госпо́дних, я́ко ве́лия сла́ва Госпо́дня 6 я́ко Высо́к Госпо́дь, и смире́нныя призира́ет, и высо́кая издале́ча весть. 7 А́ще пойду́ посреде́ ско́рби, живи́ши мя, на гнев враг мои́х просте́рл еси́ руку́ Твою́, и спасе́ мя десни́ца Твоя́. 8 Госпо́дь возда́ст за мя. Го́споди, ми́лость Твоя́ во век, дел руку́ Твое́ю не пре́зри.

В коне́ц Дави́ду, псало́м Заха́риин в разсе́янии, 138.

1 Го́споди, искуси́л мя еси́ и позна́л мя еси́. Ты позна́л еси́ седа́ние мое́ и воста́ние мое́. 2 Ты разуме́л еси́ помышле́ния моя́ издале́ча: 3 стезю́ мою́ и у́же мое́ Ты еси́ изсле́довал, и вся пути́ моя́ прови́дел еси́. 4 Я́ко несть льсти в язы́це мое́м: се, Го́споди, Ты позна́л еси́. 5 Вся после́дняя и дре́вняя: Ты созда́л еси́ мя, и положи́л еси́ на мне ру́ку Твою́. 6 Удиви́ся ра́зум Твой от мене́, утверди́ся, не возмогу́ к нему́. 7 Ка́мо пойду́ от Ду́ха Твоего́? И от лица́ Твоего́ ка́мо бежу́? 8 А́ще взы́ду на не́бо — Ты та́мо еси́, а́ще сни́ду во ад — та́мо еси́. 9 А́ще возму́ криле́ мои́ ра́но и вселю́ся в после́дних мо́ря — 10 и та́мо бо рука́ Твоя́ наста́вит мя и удержи́т мя десни́ца Твоя́. 11 И рех: еда́ тма попере́т мя, и нощь просвеще́ние в сла́дости мое́й? 12 Я́ко тма не помрачи́тся от Тебе́, и нощь, я́ко день, просвети́тся, я́ко тма ея́, та́ко и свет ея́. 13 Я́ко Ты созда́л еси́ утро́бы моя́, восприя́л мя еси́ из чре́ва ма́тере моея́. 14 Испове́мся Тебе́, я́ко стра́шно удиви́лся еси́: чу́дна дела́ Твоя́, и душа́ моя́ зна́ет зело́. 15 Не утаи́ся кость моя́ от Тебе́, ю́же сотвори́л еси́ в та́йне, и соста́в мой в преиспо́дних земли́. 16 Несоде́ланное мое́ ви́десте о́чи Твои́, и в кни́зе Твое́й вси напи́шутся, во днех сози́ждутся и никто́же в них. 17 Мне же зело́ че́стни бы́ша дру́зи Твои́, Бо́же, зело́ утверди́шася влады́чествия их. 18 Изочту́ их, и па́че песка́ умно́жатся; воста́х, и еще́ есмь с Тобо́ю. 19 А́ще избие́ши гре́шники, Бо́же, му́жие крове́й, уклони́теся от мене́. 20 Я́ко ревни́ви есте́ в помышле́ниих, прии́мут в суету́ гра́ды Твоя́. 21 Не ненави́дящыя ли Тя́, Го́споди, возненави́дех, и о вразе́х Твои́х иста́ях? 22 Соверше́нною не́навистию возненави́дех я́, во враги́ бы́ша ми. 23 Искуси́ мя, Бо́же, и уве́ждь се́рдце мое́, истяжи́ мя и разуме́й стези́ моя́ 24 и виждь, а́ще путь беззако́ния во мне, и наста́ви мя на путь ве́чен.

В коне́ц, псало́м Дави́ду, 139.

1 Изми́ мя, Го́споди, от челове́ка лука́ва, от му́жа непра́ведна изба́ви мя 2 и́же помы́слиша непра́вду в се́рдце, весь день ополча́ху бра́ни 3 изостри́ша язы́к свой, я́ко змии́н, яд а́спидов под устна́ми их. 4 Сохрани́ мя, Го́споди, из руки́ гре́шничи, от челове́к непра́ведных изми́ мя, и́же помы́слиша запя́ти стопы́ моя́. 5 Скры́ша го́рдии сеть мне, и у́жы препя́ша сеть нога́ма мои́ма. 6 При стези́ собла́зны положи́ша ми. 7 Рех Го́сподеви: Бог мой еси́ Ты, внуши́, Го́споди, глас моле́ния моего́. 8 Го́споди, Го́споди, си́ло спасе́ния моего́, осени́л еси́ над главо́ю мое́ю в день бра́ни. 9 Не преда́ждь мене́, Го́споди, от жела́ния моего́ гре́шнику: помы́слиша на мя, не оста́ви мене́, да не когда́ вознесу́тся. 10 Глава́ окруже́ния их, труд усте́н их покры́ет я́. 11 Паду́т на них у́глия о́гненная, низложи́ши я́ в страсте́х, и не постоя́т. 12 Муж язы́чен не испра́вится на земли́: му́жа непра́ведна зла́я уловя́т во истле́ние. 13 Позна́х, я́ко сотвори́т Госпо́дь суд ни́щым и месть убо́гим. 14 Оба́че пра́веднии испове́дятся и́мени Твоему́, и вселя́тся пра́вии с лице́м Твои́м.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Псало́м Дави́ду, 140.

1 Го́споди, воззва́х к Тебе́, услы́ши мя: вонми́ гла́су моле́ния моего́, внегда́ воззва́ти ми к Тебе́. 2 Да испра́вится моли́тва моя́, я́ко кади́ло пред Тобо́ю, воздея́ние руку́ мое́ю — же́ртва вече́рняя. 3 Положи́, Го́споди, хране́ние усто́м мои́м, и дверь огражде́ния о устна́х мои́х. 4 Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. 5 Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. 6 Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. 7 Я́ко то́лща земли́ просе́деся на земли́, расточи́шася ко́сти их при а́де. 8 Я́ко к Тебе́, Го́споди, Го́споди, о́чи мои́: на Тя́ упова́х, не отыми́ ду́шу мою́. 9 Сохрани́ мя от се́ти, ю́же соста́виша ми, и от собла́зн де́лающих беззако́ние. 10 Паду́т во мре́жу свою́ гре́шницы: еди́н есмь аз, до́ндеже прейду́.

1 Ра́зума Дави́ду, внегда́ бы́ти ему́ в ве́ртпе моля́щемуся, 141.

2 Гла́сом мои́м ко Го́споду воззва́х, гла́сом мои́м ко Го́споду помоли́хся. 3 Пролию́ пред Ним моле́ние мое́, печа́ль мою́ пред Ним возвещу́. 4 Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. 5 Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. 6 Воззва́х к Тебе́, Го́споди, рех: Ты́ еси́ упова́ние мое́, часть моя́ еси́ на земли́ живы́х. 7 Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́. 8 Изведи́ из темни́цы ду́шу мою́, испове́датися и́мени Твоему́. Мене́ ждут пра́ведницы, до́ндеже возда́си мне.

Псало́м Дави́ду, егда́ гоня́ше его́ Авессало́м, сын его́, 142.

Сла́ва:

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

По 1‑мъ стїхосло́вїи [БУ] / ▲ \
Ектенїѧ̀ ма́лаѧ / ▲ \
(Служебник. 2003. С. )

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Ами́нь.

Пѣснопѣ́нїѧ / ▲ \
Сѣда́ленъ попра́зднства, гла́съ 3‑й.
Подо́бенъ: Де́ва днесь: (Минея январь. Ч. 1. 2002. С. 532)

Влады́ка днесь на Иорда́н прии́де, / крести́вся в вода́х от Боже́ственнаго Предте́чи, / свы́ше же Оте́ц свиде́тельствоваше: / Сей есть Сын Мой, о Не́мже благоизво́лих. // И Дух яви́ся стра́нным ви́дом голуби́ным над Ним.

Сла́ва, и ны́не, то́йже.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Стїхосло́вїе каѳі́смы 20 [БУ] / ▲ \
Хор:

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Псало́м Дави́ду, к Голиа́фу, 143.

1 Благослове́н Госпо́дь Бог мой, науча́яй ру́це мои́ на ополче́ние, пе́рсты моя́ на брань. 2 Ми́лость моя́ и прибе́жище мое́, Засту́пник мой и Изба́витель мой, Защи́титель мой, и на Него́ упова́х: повину́яй лю́ди моя́ под мя. 3 Го́споди, что есть челове́к, я́ко позна́лся еси́ ему́? Или́ сын челове́чь, я́ко вменя́еши его́? 4 Челове́к суете́ уподо́бися: дни́е его́ я́ко сень прехо́дят. 5 Го́споди, приклони́ небеса́, и сни́ди, косни́ся гора́м, и воздымя́тся. 6 Блесни́ мо́лнию, и разжене́ши я́, посли́ стре́лы Твоя́, и смяте́ши я́. 7 Посли́ ру́ку Твою́ с высоты́, изми́ мя и изба́ви мя от вод мно́гих, из руки́ сыно́в чужди́х 8 и́хже уста́ глаго́лаша суету́, и десни́ца их — десни́ца непра́вды. 9 Бо́же, песнь но́ву воспою́ Тебе́, во псалти́ри десятостру́ннем пою́ Тебе́ 10 даю́щему спасе́ние царе́м, избавля́юшему Дави́да, раба́ Своего́, от меча́ лю́та. 11 Изба́ви мя, и изми́ мя из ру́ки сыно́в чужди́х, и́хже уста́ глаго́лаша суету́, и десни́ца их — десни́ца непра́вды. 12 И́хже сы́нове их я́ко новосажде́ния водруже́нная в ю́ности свое́й. Дще́ри их удо́брены, преукра́шены, я́ко подо́бие хра́ма. 13 Храни́лища их испо́лнена, отрыга́ющая от сего́ в сие́, о́вцы их многопло́дны, мно́жащыяся во исхо́дищах свои́х, воло́ве их то́лсти. 14 Несть паде́ния опло́ту, ниже́ прохо́да, ниже́ во́пля в сто́гнах их. 15 Ублажи́ша лю́ди, и́мже сия́ суть. Блаже́ни лю́дие, и́мже Госпо́дь Бог их.

Хвала́ Дави́ду, 144.

1 Вознесу́ Тя́, Бо́же мой, Царю́ мой, и благословлю́ и́мя Твое́ в век и в век ве́ка. 2 На всяк день благословлю́ Тя́ и восхвалю́ и́мя Твое́ в век и в век ве́ка. 3 Ве́лий Госпо́дь и хва́лен зело́, и вели́чию Его́ несть конца́. 4 Род и род восхва́лят дела́ Твоя́ и си́лу Твою́ возвестя́т. 5 Великоле́пие сла́вы святы́ни Твоея́ возглаго́лют и чудеса́ Твоя́ пове́дят. 6 И си́лу стра́шных Твои́х реку́т и вели́чие Твое́ пове́дят. 7 Па́мять мно́жества бла́гости Твоея́ отры́гнут и пра́вдою Твое́ю возра́дуются. 8 Щедр и ми́лостив Госпо́дь, долготерпели́в и многоми́лостив. 9 Благ Госпо́дь вся́ческим, и щедро́ты Его́ на всех де́лех Его́. 10 Да испове́дятся Тебе́, Го́споди, вся дела́ Твоя́, и преподо́бнии Твои́ да благословя́т Тя́. 11 Сла́ву Ца́рствия Твоего́ реку́т, и си́лу Твою́ возглаго́лют 12 сказа́ти сыново́м челове́ческим си́лу Твою́, и сла́ву великоле́пия Ца́рствия Твоего́. 13 Ца́рство Твое́, Ца́рство всех веко́в, и влады́чество Твое́ во вся́ком ро́де и ро́де. Ве́рен Госпо́дь во всех словесе́х Свои́х и Преподо́бен во всех де́лех Свои́х. 14 Утвержда́ет Госпо́дь вся низпа́дающыя и возставля́ет вся низве́рженныя. 15 О́чи всех на Тя́ упова́ют, и Ты дае́ши им пи́щу во благовре́мении. 16 Отверза́еши Ты ру́ку Твою́ и исполня́еши вся́кое живо́тно благоволе́ния. 17 Пра́веден Госпо́дь во всех путе́х Свои́х и Преподо́бен во всех де́лех Свои́х. 18 Близ Госпо́дь всем призыва́ющым Его́, всем призыва́ющым Его́ во и́стине. 19 Во́лю боя́щихся Его́ сотвори́т и моли́тву их услы́шит и спасе́т я́. 20 Храни́т Госпо́дь вся лю́бящыя Его́ и вся гре́шники потреби́т. 21 Хвалу́ Госпо́дню возглаго́лют уста́ моя́, и да благослови́т вся́ка плоть и́мя свято́е Его́ в век и в век ве́ка.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́иа, Агге́я и Заха́рии, 145.

1 Хвали́, душе́ моя́, Го́спода. 2 Восхвалю́ Го́спода в животе́ мое́м, пою́ Бо́гу моему́, до́ндеже есмь. 3 Не наде́йтеся на кня́зи, на сы́ны челове́ческия, в ни́хже несть спасе́ния. 4 Изы́дет дух его́ и возврати́тся в зе́млю свою́. В той день поги́бнут вся помышле́ния его́. 5 Блаже́н, ему́же Бог Иа́ковль Помо́щник его́, упова́ние его́ на Го́спода Бо́га своего́ 6 сотво́ршаго не́бо и зе́млю, мо́ре и вся, я́же в них, храня́щаго и́стину в век 7 творя́щаго суд оби́димым, даю́щаго пи́щу а́лчущым. Госпо́дь реши́т окова́нныя. 8 Госпо́дь умудря́ет слепцы́. Госпо́дь возво́дит низве́рженныя. Госпо́дь лю́бит пра́ведники. 9 Госпо́дь храни́т прише́льцы, си́ра и вдову́ прии́мет и путь гре́шных погуби́т. 10 Воцари́тся Госпо́дь во век, Бог твой, Сио́не, в род и род.

Аллилу́иа, 146.

1 Хвали́те Го́спода, я́ко благ псало́м. Бо́гови на́шему да услади́тся хвале́ние. 2 Зи́ждай Иерусали́ма Госпо́дь, разсе́яния Изра́илева собере́т. 3 Исцеля́яй сокруше́нныя се́рдцем и обязу́яй сокруше́ния их. 4 Исчита́яй мно́жество звезд и всем им имена́ нарица́яй. 5 Ве́лий Госпо́дь наш, и ве́лия кре́пость Его́, и ра́зума Его́ несть числа́ 6 Прие́мляй кро́ткия Госпо́дь, смиря́яй же гре́шники до земли́. 7 Начни́те Го́сподеви во испове́дании, по́йте Бо́гови на́шему в гу́слех. 8 Одева́ющему не́бо о́блаки, уготовля́ющему земли́ дождь, прозяба́ющему на гора́х траву́ и злак на слу́жбу челове́ком 9 даю́щему ското́м пи́щу их, и птенце́м вра́новым призыва́ющым Его́. 10 Не в си́ле ко́нстей восхо́щет, ниже́ в лы́стех му́жеских благоволи́т. 11 Благоволи́т Госпо́дь в боя́щихся Его́ и во упова́ющих на ми́лость Его́.

Аллилу́иа, Агге́я и Заха́рии, 147.

1 Похвали́, Иерусали́ме, Го́спода, хвали́ Бо́га Твоего́, Сио́не 2 я́ко укрепи́ вереи́ врат Твои́х, благослови́ сы́ны твоя́ в тебе́. 3 Полага́яй преде́лы Твоя́ мир, и ту́ка пшени́чна насыща́яй тя́. 4 Посыла́яй сло́во Свое́ земли́, до ско́рости тече́т сло́во Его́ 5 даю́щаго снег Свой, я́ко во́лну, мглу, я́ко пе́пел, посыпа́ющаго 6 мета́ющаго го́лоть Свой, я́ко хле́бы. Проти́ву лица́ мра́за Его́ кто постои́т? 7 По́слет сло́во Свое́, и иста́ет я́, дхнет дух Его́, и потеку́т во́ды. 8 Возвеща́яй сло́во Свое́ Иа́кову, оправда́ния и судьбы́ Своя́ Изра́илеви. 9 Не сотвори́ та́ко вся́кому язы́ку, и судьбы́ Своя́ не яви́ им.

Сла́ва:

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

Аллилу́иа, Агге́я и Заха́рии, 148.

1 Хвали́те Го́спода с небе́с, хвали́те Его́ в вы́шних. 2 Хвали́те Его́, вси А́нгели Его́, хвали́те Его́, вся си́лы Его́. 3 Хвали́те Его́, со́лнце и луна́, хвали́те Его́, вся зве́зды и свет. 4 Хвали́те Его́ Небеса́ небе́с и вода́, я́же превы́ше небе́с. 5 Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. 6 Поста́ви я́ в век и в век ве́ка, повеле́ние положи́, и не ми́мо и́дет. 7 Хвали́те Го́спода от земли́, зми́еве и вся бе́здны: 8 огнь, град, снег, го́лоть, дух бу́рен, творя́щая сло́во Его́ 9 го́ры и вси хо́лми, древа́ плодоно́сна и вси ке́дри 10 зве́рие и вси ско́ти, га́ди и пти́цы перна́ты. 11 Ца́рие зе́мстии и вси лю́дие, кня́зи и вси судии́ зе́мстии 12 ю́ноши и дѣ́вы, ста́рцы с ю́нотами 13 да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. 14 И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Аллилу́иа, 149.

1 Воспо́йте Го́сподеви песнь но́ву, хвале́ние Его́ в це́ркви преподо́бных. 2 Да возвесели́тся Изра́иль о Сотво́ршем его́, и сы́нове Сио́ни возра́дуются о Царе́ свое́м. 3 Да восхва́лят и́мя Его́ в ли́це, в тимпа́не и псалти́ри да пою́т Ему́. 4 Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. 5 Восхва́лятся преподо́бнии во сла́ве и возра́дуются на ло́жах свои́х. 6 Возноше́ния Бо́жия в горта́ни их, и мечи́ обою́ду остры́ в рука́х их: 7 сотвори́ти отмще́ние во язы́цех, обличе́ния в лю́дех 8 связа́ти цари́ их пу́ты, и сла́вныя их ручны́ми око́вы желе́зными 9 сотвори́ти в них суд напи́сан. Сла́ва сия́ бу́дет всем преподо́бным Его́.

Аллилу́иа, 150.

1 Хвали́те Бо́га во святы́х Его́, хвали́те Его́ во утверже́нии си́лы Его́. 2 Хвали́те Его́ на си́лах Его́, хвали́те Его́ по мно́жеству вели́чествия Его́. 3 Хвали́те Его́ во гла́се тру́бнем, хвали́те Его́ во псалти́ри и гу́слех. 4 Хвали́те Его́ в тимпа́не и ли́це, хвали́те Его́ во стру́нах и орга́не. 5 Хвали́те Его́ в кимва́лех доброгла́сных, хвали́те Его́ в кимва́лех восклица́ния. 6 Вся́кое дыха́ние да хва́лит Го́спода.

Сла́ва:

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Аллилу́їа, аллилу́їа, аллилу́їа, сла́ва Тебѣ̀, Бо́же. (три́жды, с покло́ны)

По 2‑мъ стїхосло́вїи [БУ] / ▲ \
Ектенїѧ̀ ма́лаѧ / ▲ \
(Служебник. 2003. С. )

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Ами́нь.

Пѣснопѣ́нїѧ / ▲ \
Сѣда́ленъ попра́зднства, гла́съ 8‑й.
Подо́бенъ: Прему́дрости: (Минея январь. Ч. 1. 2002. С. 532)

Иорда́н струя́ми слу́жит, / и Иоа́нн простира́ет ру́ку тле́нную / я́вльшуся Тебе́, Неви́диме, пло́тию ко Креще́нию. / Но о́в у́бо возвраща́шеся вспя́ть со стра́хом, / ов же а́бие держа́ше с тре́петом Тя́, Нетле́ннаго. / Вои́стинну А́гнец Бо́жий, Исто́чник присноживо́тный, / исто́чники же и моря́ и челове́ки освяти́в, / Тро́ица бо просия́ свы́ше, / Сы́на Тя́ имену́ет Роди́тель, // и Святы́й Дух схо́дит.

Сла́ва, и ны́не, то́йже.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Ѱало́мъ 50 [БУ] / ▲ \
Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху.

И ны́нѣ и при́снѡ, и во вѣ́ки вѣкѡ́въ. Ами́нь.

1 В коне́ц, псало́м Дави́ду, внегда́ вни́ти к нему́ Нафа́ну проро́ку, 2 егда́ вни́де к Вирсави́и, жене́ Ури́еве, 50.

3 Поми́луй мя́, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. 4 Наипа́че омы́й мя́ от беззако́ния моего́, и от греха́ моего́ очи́сти мя. 5 Я́ко беззако́ние мое́ а́з зна́ю и грех мой предо мно́ю есть вы́ну. 6 Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти́. 7 Се бо в беззако́ниих зача́т есмь, и во гресе́х роди́ мя́ ма́ти моя́. 8 Се бо и́стину возлюби́л еси́, безве́стная и та́йная прему́дрости Твоея́ яви́л ми́ еси́. 9 Окропи́ши мя́ иссо́пом, и очи́щуся, омы́еши мя́, и па́че сне́га убелю́ся. 10 Слу́ху моему́ да́си ра́дость и весе́лие, возра́дуются ко́сти смире́нныя. 11 Отврати́ лице́ Твое́ от грех мои́х, и вся беззако́ния моя́ очи́сти. 12 Се́рдце чи́сто сози́жди во мне, Бо́же, и духъ пра́въ ѡбнови́ во утро́бѣ мое́й. 13 Не отве́ржи мене́ от лица́ Твоего́, и Ду́ха Твоегѡ́ свята́гѡ не ѿими́ ѿ мене́. 14 Возда́ждь ми́ ра́дость спасе́ния Твоего́, и Ду́хом Влады́чним утверди́ мя́. 15 Научу́ беззако́нныя путе́м Твои́м, и нечести́вии к Тебе́ обратя́тся. 16 Изба́ви мя́ от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. 17 Го́споди, устне́ мои́ отве́рзеши, и уста́ моя́ возвестя́т хвалу́ Твою́. 18 Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. 19 Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. 20 Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. 21 тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

Кано́ны у́трени на 14 [БУ] / ▲ \
С библейскими песнямиБез песней
Пѣ́снь 1 / ▲ \
2‑й Богоявле́ния (ірмо́с по 2, тропари́ на 4), гла́съ 2‑й (зри въ са́мъ день пра́здника). Творе́ние Иоа́нна Дамаскина́: (Минея январь. Ч. 1. 2002. С. 239)

Ірмо́съ: Ше́ствует морску́ю волня́щуюся бу́рю, / су́шу а́бие Изра́иль я́вльшуюся. / Че́рмный же понт триста́ты еги́петския / покры́ ку́пно, водостла́нен гроб, // си́лою кре́пкою десни́цы Влады́чни. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 У́тру я́вльшуся челове́ком светоно́сну / ны́не из пусты́ни, к вода́м Иорда́нским преклони́л еси́, Царю́ со́лнца, Твою́ вы́ю, / ли́ка мра́чна родонача́льника исхи́тити, // скве́рны же вся́кия очи́стити тварь.

2 Безнача́льне, струя́м спогре́бшася Тебе́, Сло́ве, / но́ваго прево́диши, истле́вшаго ле́стию, / Сего́ несказа́нно от Отца́ прие́м глас держа́вен: // Сей возлю́бленный, ра́вен же Мне О́трок естество́м.

Мчч. Ерми́ла и Стратони́ка (на 4), гла́съ 8‑й
[краегране́сїе: Твои́х честву́ю му́ченик, Спа́се, сла́ву]. Ио́сиф: (Минея январь. Ч. 1. 2002. С. 532)

Ірмо́съ: Пои́м Го́сподеви вси лю́дие, / в мо́ри Чермне́м фарао́на погрузи́вшему, // побе́дную песнь пою́ще, я́ко просла́вися.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Честны́я я́коже зве́зды Богосия́нныя, / тве́рди му́дрии Це́ркве яви́стеся, // озаря́юще ны́ Боже́ственными светлостьми́, му́ченицы.

2 Яви́стеся я́коже у́глие мы́сленное, возжже́ни огне́м Ду́ха, сла́внии, // и и́дольское огни́ще струя́ми крове́й угаси́сте.

3 Вода́ми потопля́еми Христа́ ра́ди, в вода́х на́ше нече́стие погрузи́вшаго, // безбо́жия ре́ки, му́ченицы, изсуши́сте.

4 Богоро́диченъ: Уста́ви моя́ грехо́вныя пото́ки, / я́же сме́ртную тлю́ Рождество́м Твои́м увяди́вши, // и умиле́ние ми́ да́ждь, Богороди́тельнице Всенепоро́чная.

Прпп. оте́ц, в Сина́е и Раи́фе (на 4), гла́съ 4‑й
[краегране́сїе: Страда́ние воспе́ти отце́в сла́ву вели́кую]. Ио́сиф: (Минея январь. Ч. 1. 2002. С. 533)

Ірмо́съ: Мо́ря чермну́ю пучи́ну / невла́жными стопа́ми / дре́вний пешеше́ствовав Изра́иль, / крестообра́зными Моисе́овыма рука́ма, // Амали́кову си́лу в пусты́ни победи́л есть.

Припѣ́въ: Преподо́бніи отцы́, моли́те Бо́га о насъ.

1 Воздержа́нием светови́дни бы́вше, блаже́ннейшии, / богови́дни яви́стеся я́ве истоще́нием кро́ве. // Те́мже сра́дуетеся по́стником Христо́вым и му́чеником.

2 Мо́рем слез пе́рвее удави́сте фарао́на, му́дрии, мы́сленнаго, / кро́вными по́слежде тече́ньми погуби́сте, // и безве́стию препосла́сте.

3 Просвеща́я Светода́вец Госпо́дь ва́ше поще́ние терпе́нием, уго́дницы Христо́вы, / светоза́рно соде́ла и я́вственно страда́ние, // па́че зари́ со́лнечныя сия́ющее.

4 Богоро́диченъ: Сый по естеству́ Госпо́дь, всем невмести́м, / в Тебе́ вмеща́ется, Влады́чице, Челове́к благоутро́бием быв, // да челове́ки за неизрече́нное человеколю́бие спасе́т.

Пѣ́снь 3 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Ели́цы дре́вних изреши́хомся се́тей / бра́шен льво́в, сотре́нных члено́вными, / ра́дуимся и разшири́м уста́, / сло́во плету́ще от слове́с сладкопе́ния, // и́мже к нам наслажда́ется дарова́ний. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 Умерщвле́ние пе́рвее насади́вый тва́ри, / зве́ря злоде́йственнаго вообра́жься в естество́, / омрача́ется плотски́м прише́ствием: // у́тру я́вльшуся, прирази́вся Влады́це сокруши́ти свою́ вражде́бную главу́.

2 Влече́т к себе́ Богозда́нное естество́, утро́бы мучи́теля, погребе́нное преде́лы; / ражда́ется па́ки земноро́дных Обновле́ние, / де́ло держа́вно соверша́я Влады́ка: // прии́де бо, то́е очи́стити хотя́.

Мчч. Ерми́ла и Стратони́ка (на 4), глас 8‑й.

Ірмо́съ: Страх Твой, Го́споди, всади́ в сердца́ раб Твои́х, / и бу́ди нам утвержде́ние, // Тя́ во и́стине призыва́ющих.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Теку́щих непостоя́тельное возненави́девше, / бу́дущих возжела́сте нетле́нное наслажде́ние, // до́блии страда́льцы Христа́ Всецаря́.

2 Му́жески проти́вистеся, богому́дрии, пребеззако́нно повелева́ющему нече́стию покори́тися, // и побе́ды с Небесе́ прия́сте венцы́.

3 Тре́бища пре́лести низложи́сте, / неле́стны же Христо́вы му́ченицы себе́ воздвиго́сте хра́мы че́стны // и столпы́ богоразу́мия.

4 Богоро́диченъ: Ору́жие пре́жде обраща́емо вхо́ды мне дае́т, стыдя́щися пробо́дшаго, Де́во Ма́ти, копия́, из Тебе́ рожде́ннаго.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Не му́дростию, и си́лою, / и бога́тством хва́лимся, / но Тобо́ю О́тчею Ипоста́сною му́дростию, Христе́: / несть бо свят, па́че Тебе́, // Человеколю́бче.

Припѣ́въ: Преподо́бніи отцы́, моли́те Бо́га о насъ.

1 Сокруше́нною мы́слию Бо́гу угоди́вше, / сокруши́сте вра́жие велехвале́ние, блаже́ннии, // мече́м сокруша́еми и умерщвля́еми.

2 Смотря́юще пребыва́ющих му́дрии, присносу́щное, / нестоя́нных и тле́нных до́лу влеку́що отри́нусте, // те́мже ублажа́етеся, преподобному́ченицы.

3 Зако́ну Боже́ственному благопоко́рною мы́слию повину́вшеся, / плотски́я сла́сти воздержа́нием погуби́сте, // и ны́не пострада́вше, сла́ву улучи́сте.

4 Богоро́диченъ: Пресвята́я, Пресвято́е Сло́во ро́ждшая, / освяти́ на́ша и ду́ши и телеса́, // блажа́щих Тя́, Всенепоро́чную.

Катава́сїа:

Ірмо́съ, гла́съ 4‑й: Не му́дростию, и си́лою, / и бога́тством хва́лимся, / но Тобо́ю О́тчею Ипоста́сною му́дростию, Христе́: / несть бо свят, па́че Тебе́, // Человеколю́бче.

По 3‑й пѣ́сни [БУ] / ▲ \
Ектенїѧ̀ ма́лаѧ / ▲ \
(Служебник. 2003. С. )

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Возгла́съ: Я́кѡ Ты́ еси́ Богъ на́шъ, и Тебѣ̀ сла́ву возсыла́емъ, Ѻтцу́ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Пѣснопѣ́нїѧ / ▲ \
Конда́к прпп. оте́ц, в Сина́е и Раи́фе, гла́съ 2‑й.
Подо́бенъ: Вы́шних ища́: (Минея январь. Ч. 1. 2002. С. 534)

От мірски́я молвы́ избего́сте, и к ти́хому приста́нищу преста́вистеся, / му́ченичества кровьми́ и по́стничества труда́ми венча́еми. // Те́мже и показа́стеся му́чеников и преподо́бных единовсе́льницы.

И́кос: Я́же на земли́ умертви́вше у́ды, / жизноно́сною ме́ртвостию Христа́ и Бо́га стра́сть изобрази́сте, / пе́рвее в до́брем поще́нии, и второ́е па́ки во страда́нии. / Те́мже и Сам сугу́бы венцы́ низпосла́ глава́м ва́шим, отцы́, / угото́вив жили́ще Небе́сное и ме́сто ве́чное, / иде́же ны́не ра́дующеся, // яви́стеся му́чеников и преподо́бных единовсе́льницы.

Седа́лен мчч. Ерми́ла и Стратони́ка, гла́съ 1‑й.
Подо́бенъ: Гроб Твой: (Минея январь. Ч. 1. 2002. С. 534)

В вода́х ку́пно блаже́нный коне́ц прия́сте, му́дрии, / и в них велиа́ра погрузи́вше благода́тию Бо́га на́шего, му́ченицы, / те́мже венцы́ я́ко победоно́сцы прие́мше, / ра́дуетеся со А́нгельскими ли́ки, // с ни́миже нас помина́йте.

Сла́ва, седа́лен прпп. оте́ц, в Сина́е и Раи́фе, гла́съ 4‑й.
Подо́бенъ: Ско́ро предвари́: (Минея январь. Ч. 1. 2002. С. 534)

Сла́ва Отцу́, и Сы́ну, и Свято́му Ду́ху.

Я́ко пресе́льницы явля́еми и прише́льцы на земли́, / ку́щи водрузи́вше в пусты́нях, / я́ве пости́стеся, преподо́бнии, нагото́ю украси́вшеся доброде́телей оде́ждею, / сообра́зни бы́вше Христо́вых страсте́й, // те́мже и претерпе́сте ва́рварское заколе́ние.

И ны́нѣ, седа́лен Богоявле́ния, гла́съ 4‑й.
Подо́бенъ: Ско́ро предвари́: (Минея январь. Ч. 1. 2002. С. 535)

И ны́нѣ, и при́сно, и во вѣ́ки вѣко́въ. Ами́нь.

Струи́ освяти́л еси́ Иорда́нския, / держа́ву сокруши́л еси́ грехо́вную, Христе́ Бо́же наш, / приклони́л еси́ дла́ни Себе́ Предте́чеве / и спасл еси́ от ле́сти челове́ческий род. // Те́мже Тя́ мо́лим: спаси́ ду́шы на́ша.

Пѣ́снь 4 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Огне́м очи́щся та́йнаго зре́ния, / поя́ проро́к челове́ков новоде́йство, / возглаша́ет глас, Ду́хом пле́щущ, / воплоще́ние явля́ющ неизрече́нна Сло́ва, // И́мже си́льных держа́вы сотро́шася. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 По́слан от Отца́, всесве́тлое Сло́во, но́щи отгна́ти зломра́чное стремле́ние, / и искорени́ти гряде́ши челове́ков грехи́, / сы́ны же привлещи́, Твои́м Креще́нием, Бла́же, // све́тлы от струй Иорда́нских.

2 Са́мое прови́дев нарече́нное Сло́во, я́сно пропове́дник вопие́т тва́ри: / Сей пре́жде мене́, вторы́й пло́тию сообра́зен, // просия́ Боже́ственною си́лою вражде́бный наш отъя́ти грех.

3 Па́жить у Себе́ животво́рну нося́, уловля́ет змие́в, / гне́здам натека́я мно́гими сетьми́, низлага́я, Бог Сло́во, / запина́ет же уязви́вшаго всеми́рный род, // сего́ потре́бль, избавля́ет тварь.

Мчч. Ерми́ла и Стратони́ка (на 4), глас 8‑й.

Ірмо́съ: Услы́шах, Го́споди, / смотре́ния Твоего́ та́инство, / разуме́х дела́ Твоя́ // и просла́вих Твое́ Божество́.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Я́ко Сло́ва служи́тель, / словесы́ твои́ми безслове́сное обличи́л еси́, му́чениче Ерми́ле, // неразу́мие беззако́ннующих, усе́рднейше.

2 Еди́но естество́ Божества́, / еди́ну вла́сть и госпо́дство, богому́дрии, пропове́давше, // многобо́жную лесть преоби́десте.

3 Пове́шен и стро́ган, и ра́нами озлобля́емь, / непрекло́нен пребы́л еси́, страстоте́рпче, // богому́дре му́чениче Ерми́ле.

4 Богоро́диченъ: Уны́нием дре́млюща, и грехо́м спокрыва́ема, // к покая́нию мя́, Пречи́стая, я́ко Сло́ва Ма́ти, воззови́.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Вознесе́на Тя́ ви́девши Це́рковь на Кресте́, / Со́лнце пра́ведное, / ста в чи́не свое́м, / досто́йно взыва́ющи: // сла́ва си́ле Твое́й, Го́споди.

Припѣ́въ: Преподо́бніи отцы́, моли́те Бо́га о насъ.

1 Не страстьми́ теле́сными победи́вшеся, врага́ победи́ли есте́ / и умертви́вшеся мече́м, всеблаже́ннии, // к жи́зни Небе́сней ра́дующеся ку́пно преста́вистеся.

2 Утучни́стеся я́ко а́гнцы воздержа́нием, / и я́ко овни́ назнамени́тии, рука́ми кровопи́йц волко́в убие́ни бы́сте, // и соверше́нна заколе́ния, преподо́бнии, Христу́ приведо́стеся.

3 Свяще́нницы же и ста́рцы и ю́ноши, / и́же в Раи́фе и Сина́и горе́ живу́щии, му́ченицы бы́ша, // преподо́бно жи́вше, и ну́ждно уме́рше.

4 Богоро́диченъ: Новоде́лает челове́чество, нов Младе́нец Преве́чный Госпо́дь, / яви́вся от Де́вы, и Челове́к быв. / Тому́ воспои́м: // сла́ва си́ле Твое́й, Го́споди.

Пѣ́снь 5 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Врага́ те́мнаго и оскверне́ннаго я́да / очище́нием Ду́ха измове́ни, / к но́вой приста́хом небла́зненной стези́, / вводя́щей в непристу́пную ра́дость, // еди́нем присту́пну, и́мже Бог примири́ся. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 Ви́дев Зижди́тель во мра́це прегреше́ний плени́цами неизбе́жными / его́же вообрази́ персты́, поставля́ет на обою́ ра́му, воздви́г горе́, ны́не во многотеку́щих вода́х омыва́я студа́ дре́вняго // Ада́мова зла́го нра́ва.

2 Со благоче́стием притеце́м приле́жно ко исто́чником пречи́стым тече́ния спаси́тельнаго, / Сло́во усмотря́юще от Нетле́нныя, / почерпа́ла принося́ще жа́жди Боже́ственныя, // ми́ра сла́достне исцеля́я неду́г.

Мчч. Ерми́ла и Стратони́ка (на 4), глас 8‑й.

Ірмо́съ: Вску́ю мя́ отри́нул еси́ / от лица́ Твоего́, Све́те незаходи́мый, / и покры́ла мя́ есть чужда́я тьма окая́ннаго? / Но обрати́ мя́, и к све́ту за́поведей Твои́х // пути́ моя́ напра́ви, молю́ся.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Мук о́блацы, му́ченицы всехва́льнии, не покры́ша ва́шего му́жества: / па́че со́лнца бо яви́ся благоче́стия сия́нием, // благочести́выя световодя́щее, и де́монский мрак отъе́млющее.

2 Преше́дше преде́лы челове́чества, богоблаже́ннии, / и па́че есте́ственному соедини́вшеся соверше́нными чище́ньми, // го́рькия му́ки и строга́ния и ра́ны претерпе́сте ума́ тве́рдостию.

3 Кре́пко сопроти́вился еси́, му́чениче, судя́щему, сла́вне Ерми́ле, / и глас слы́шати с Небесе́, преблаже́нне, сподо́бился еси́, / зову́щему любо́вию прибли́житися я́ко Подвигополо́жнику // и Сего́ укрепля́ющему му́ченики.

4 Богоро́диченъ: Я́ко добра́, я́ко красна́, я́ко чистото́ю облиста́ющи, / кра́снаго добро́тою воплоти́ла еси́ Сло́ва и родила́ еси́, / е́же бы́ти всем богоде́льно, Де́во Ма́ти, // подаю́щаго бога́тством бла́гости.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Ты́, Го́споди, мой Свет, / в мір прише́л еси́, / Свет Святы́й, обраща́яй из мра́чна неве́дения // ве́рою воспева́ющия Тя́.

Припѣ́въ: Преподо́бніи отцы́, моли́те Бо́га о насъ.

1 Ра́й сла́дости, жи́зни дре́во Го́спода, яви́стеся, // посреди́ име́яй ва́шу я́ко же́ртву кровь прии́мшаго.

2 Крове́й то́ки со сле́зными смеси́вше струя́ми, Богоно́сцы, // многообра́знаго зми́я в сих погрузи́сте.

3 Красоту́ Бо́жию зре́ти сподо́бистеся, // ве́чное весе́лие вме́сто трудо́в и боле́зней, блаже́ннии, прия́сте.

4 Богоро́диченъ: Родила́ еси́ Бо́га, па́че сло́ва и мы́сли / и пребыла́ еси́ по рождестве́, я́ко пре́жде рождества́ Де́ва, // Чи́стая Богора́дованная.

Пѣ́снь 6 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Вожделе́ннаго я́вствова со всеблаже́нным гла́сом Оте́ц, / Его́же из чре́ва отры́гну: / ей, — глаго́лет, — Сей соесте́ствен Сын, / Сый светоза́рен, / произни́че из челове́ча ро́да: // Сло́во же Мое́ жи́во и Челове́к промышле́нием. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 От глуби́ннаго льва, тревече́рний стра́нне проро́к во вну́тренних валя́яся, / а́бие произы́де, пакибытия́ спасе́ние // от зми́я человекоуби́йцы всем предъявля́я в после́дняя ле́та.

2 Отве́рсту Не́бу всесве́тлых писа́ний, учени́к зрит от Отца́ посыла́емый, / пребыва́ющ же Дух на Пречи́стем Сло́ве, / наше́д я́ко го́лубь неизрече́нным о́бразом, // лю́дем же явля́ется, прише́дшим ко Влады́це.

Мчч. Ерми́ла и Стратони́ка (на 4), глас 8‑й.

Ірмо́съ: Моли́тву пролию́ ко Го́споду / и Тому́ возвещу́ печа́ли моя́, / я́ко зо́л душа́ моя́ испо́лнися / и живо́т мой а́ду прибли́жися, / и молю́ся, я́ко Ио́на: // от тли́, Бо́же, возведи́ мя́.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Во́д животво́рных испо́лнившеся, в ре́чныя вве́ржени бы́сте струи́ / и, в них прие́мше кончи́ну, зло́бы предста́теля удави́сте, всехва́льнии, // и ны́не нам исцеле́ний пото́ки источа́ете.

2 В ко́шницу вве́ржени бы́вше, усе́рдно преда́стеся глубине́, страстоте́рпцы, / и к жи́зни вознесо́стеся Боже́ственней, / я́же от ве́ка ва́ми наде́емая обре́тше ра́достно, // велему́дрии святи́и му́ченицы.

3 Яви́лся еси́ в го́рцей му́це му́чимь, и па́лицами бие́мь, Стратони́че му́чениче, / терпе́ния необори́мь столп возвы́шен степе́нем ве́ры, // сопротивле́ние гони́телей потребля́я и словесы́ и дея́ньми.

4 Богоро́диченъ: Стра́сти немощны́я души́ моея́, и боле́знь се́рдца, Де́во, / и ума́ преложе́ния многообра́зная, я́ко ми́лостива, Пресвята́я, исцели́ // и ути́ши лю́тое зол мои́х волне́ние, молю́ся.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Пожру́ Ти́ со гла́сом хвале́ния, Го́споди, / Це́рковь вопие́т Ти́, / от бесо́вския кро́ве очи́щшися, / ра́ди ми́лости от ребр Твои́х // исте́кшею кро́вию.

Припѣ́въ: Преподо́бніи отцы́, моли́те Бо́га о насъ.

1 Отве́ргше пристра́стия у́зы по́стничеством, / ну́жнейшею сме́ртию уз теле́сных разреши́стеся // и нереши́мою любо́вию связа́стеся Зижди́теля.

2 Я́ко го́ры высо́кия жи́тельством я́вльшеся, // объя́ти го́ры, и созда́ние все претя́щаго си́лою Христо́вою под но́ги покори́сте.

3 Вода́ми напои́вшеся слез, блаже́ннии, я́ко земля́ добра́ же и ту́чна, // муче́ния клас плодоноси́сте, в жи́тницах ве́чных Христу́ соблюда́емый.

4 Богоро́диченъ: Успи́ страсте́й пло́ти моея́ во́лны / неусы́пною Твое́ю, Де́во, моли́твою, молю́ся, // и не даждь грехо́вным усну́ти мне сном тяжча́йшим.

Катава́сїа:

Ірмо́съ, гла́съ 4‑й: Пожру́ Ти́ со гла́сом хвале́ния, Го́споди, / Це́рковь вопие́т Ти́, / от бесо́вския кро́ве очи́щшися, / ра́ди ми́лости от ребр Твои́х // исте́кшею кро́вию.

По 6‑й пѣ́сни [БУ] / ▲ \
Ектенїѧ̀ ма́лаѧ / ▲ \
(Служебник. 2003. С. )

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Возгла́съ: Ты́ бо єсѝ Ца́рь ми́ра, и Спа́съ ду́шъ на́шихъ, и Тебѣ̀ сла́ву возсыла́емъ, Ѻтцу̀, и Сы́ну, и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Пѣснопѣ́нїѧ / ▲ \
Конда́к Богоявле́ния, гла́съ 4‑й: (Минея январь. Ч. 1. 2002. С. 242)

Яви́лся еси́ днесь вселе́нней, / и свет Твой, Го́споди, зна́менася на нас, / в ра́зуме пою́щих Тя́: / прише́л еси́ и яви́лся еси́, // Свет непристу́пный.

И́кос: Галиле́и язы́честей, Завуло́нстей стране́ и Неффали́мстей земли́, / я́коже рече́ проро́к, Свет вели́к возсия́, Христо́с. / Омраче́нным све́тла яви́ся Заря́, из Вифлее́ма облиста́ющая, / па́че же из Мари́и Госпо́дь, всей вселе́нней возсиява́ет лучи́ Со́лнце пра́вды. / Те́мже, и́же от Ада́ма нази́и, прииди́те вси, облече́мся в Него́, да согре́емся, / покрыва́ет бо наги́я и просвеща́ет те́мныя. // Прише́л еси́ и яви́лся еси́, Свет непристу́пный.

Пѣ́снь 7 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Опали́ струе́ю зми́евы главы́ пе́щный высо́кий пла́мень, / ю́ноши нося́щ благочести́выя, / ути́шивый неудободержи́мую мглу из греха́ // всю же омыва́ет росо́ю Ду́ха. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 Тебе́ живопису́ющий ассири́йский пла́мень ужа́сен поставля́еши, в ро́су преведе́н; / те́мже вода́ ны́не, я́коже пла́мень, одева́яй, вре́дную зло́бу, Христе́, прикрове́нную опаля́ет, // от поползнове́нныя стези́ призыва́ющи.

2 Разде́льшуся Иорда́ну дре́вле, по су́ху прехо́дят лю́дие Изра́ильстии, / Тебе́, Держа́внейшаго, содержа́ща тварь некосни́тельне, // ны́не в вода́х напису́ющии, к нетле́нней и поле́зней стези́.

3 Ве́мы, пе́рвее всепа́губный пото́п / ми́лостивно Тя́ всех во тлю привести́, / о, тревели́кая сотворя́я и стра́нная // Ны́не же пото́пльша, Христе́, грех за благосе́рдие и челове́ческое спасе́ние.

Мчч. Ерми́ла и Стратони́ка (на 4), глас 8‑й.

Ірмо́съ: О́троцы евре́йстии в пещи́ / попра́ша пла́мень дерзнове́нно / и на ро́су огнь преложи́ша вопию́ще: // благослове́н еси́, Го́споди Бо́же, во ве́ки.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Теча́ше медото́чное от уст твои́х сло́во, / го́ресть уны́ния Стратони́ка, твоего́ сострада́льца, укроща́ющее, вопию́щаго, Ерми́ле: // Бо́же, благослове́н еси́ во ве́ки.

2 Жезл си́лы держа́, спаси́тельный крест, до́блий му́чениче, / жезло́м бие́ния терпи́ши усе́рдно, воспева́я Творцу́ твоему́, Ерми́ле: // Бо́же, благослове́н еси́.

3 Спасы́й от чре́ва ки́това содержи́маго проро́ка пресла́вно // от ре́чных вод ва́ша спаса́ет победоно́сныя мо́щи, по кончи́не, страда́льцы.

4 Богоро́диченъ: Разреша́я Е́вину кля́тву, во Всенепоро́чную всели́лся еси́ Де́ву, / благослове́ния исто́чники источа́я вопию́щим: // благослове́н еси́, Го́споди Бо́же, во ве́ки.

Прпп. оте́ц, в Сина́е и Раи́фе (на 4), глас 4‑й.

Ірмо́съ: В пещи́ Авраа́мстии о́троцы перси́дстей, / любо́вию благоче́стия па́че, / не́жели пла́менем опаля́еми, взыва́ху: // благослове́н еси́ в хра́ме сла́вы Твоея́, Го́споди.

Припѣ́въ: Преподо́бніи отцы́, моли́те Бо́га о насъ.

1 Просвеще́ни воздержа́ния светлостьми́ / и страда́ньми свяще́нными, му́ченицы, явле́нно освяща́еми, // преидо́сте к Све́ту Незаходи́мому, и Дне сы́нове бы́сте.

2 Во́лею су́щих в ми́ре сла́дких устраня́ющеся, / стра́нно челове́ком Я́вльшемуся пло́тию, присво́истеся, // пребыва́ющая и неистлева́ющая блага́я насле́довавше, преподо́бнии.

3 Боже́ственный Па́вел и Иоа́нн, и Феоду́л, Нил, и вку́пе вси / всесла́вно и уме́рше и пожи́вше, // да ублажа́тся по́стницы и сла́внии му́ченицы.

4 Богоро́диченъ: Тя́ ма́нну жи́зни во чре́ве Твое́м нося́щую, / дре́вле манноприе́мная ста́мна, я́ко вои́стинну прообража́ше явле́нно. // Благослове́нна Ты́ в жена́х еси́, Всенепоро́чная Влады́чице.

Пѣ́снь 8 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: Свобо́дна у́бо тварь познава́ется / и сы́нове Све́та пре́жде омраче́ннии; / еди́н сте́нет тьмы предста́тель. / Ны́не да благослови́т усе́рдно Вино́внаго // пре́жде окая́нное язы́ков всенасле́дие. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 Трие́ богови́днии, во огни́ ороша́еми, озаря́ющеся треми́ всесве́тле святы́нями, / я́ве показова́ху Превы́шнее Естество́ смеше́нием челове́ческим, // огнепаля́щее росо́ю ми́лостивно вся́ку па́губную лесть.

2 Да убели́тся вся́кое земно́е естество́, / от паде́ния ны́не на Не́бо возводи́мо, / И́мже бо вся соблюда́ются, Сло́вом, теку́щими струя́ми омы́вшеся, // прегреше́ний пре́жних убеже́, пресве́тло измове́но.

Мчч. Ерми́ла и Стратони́ка (на 4), глас 8‑й.

Ірмо́съ: Седмери́цею пещь / халде́йский мучи́тель / богочести́вым неи́стовно разжже́, / си́лою же лу́чшею спасе́ны сия́ ви́дев, / Творцу́ и Изба́вителю вопия́ше: / о́троцы, благослови́те, / свяще́нницы, воспо́йте, // лю́дие, превозноси́те во вся ве́ки.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Терпи́ши, бие́мь и лю́те стру́жемь, сло́тами боле́зней окружа́емь, сла́вный Ерми́ле, / Стратони́ка же наста́вник бо благоче́стия подвиго́м был еси́, / с ни́мже и вопия́л еси́: // свяще́нницы, благослови́те, лю́дие, превозноси́те Го́спода во ве́ки.

2 Непрекло́ннии мудрова́нием, и до́блии страда́нием, / и Небе́сных даро́в досто́йни, ка́мение честно́е и ве́рных предсто́лпия, / ка́мению, повеле́ни бы́вше, не принесо́ша че́сти, / Бо́гу же всех вопия́ху Влады́це: // лю́дие, превозноси́те Его́ во ве́ки.

3 Твоя́ ре́бра ноготьми́ стружя́ мучи́тель / и мечи́ неми́лостивно ссека́я тя́, ума́ не укра́де, укрепле́на Боже́ственною любо́вию / и Изба́вителя насмотря́юща добро́ту. / Ему́же ны́не со дерзнове́нием предстоя́, взыва́еши: // лю́дие, превозноси́те Го́спода во ве́ки.

4 Богоро́диченъ: Сый по всему́ соверше́н и естество́м непристу́пный, / яви́ся присту́пен мне, пло́тию обложе́н из Тебе́, Неискусобра́чная, / Его́же приле́жно моли́, беззако́ний мои́х бре́мя расточи́ти и спасти́ песнопою́ща: / свяще́нницы, благослови́те, // лю́дие, превозноси́те Го́спода во ве́ки.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Ру́це распросте́р Дании́л / льво́в зия́ния в ро́ве затче́, / о́гненную же си́лу угаси́ша, / доброде́телию препоя́савшеся, / благоче́стия рачи́тели о́троцы, взыва́юще: // благослови́те, вся дела́ Госпо́дня, Го́спода.

Припѣ́въ: Преподо́бніи отцы́, моли́те Бо́га о насъ.

1 Велича́йший лик по́стническими доблестьми́ укра́шен, / преподо́бных днесь вся лико́вники Боже́ственныя показу́ет, / восхваля́ющия у́бо того́, Христу́ же пою́щия: // благослови́те, вся дела́ Госпо́дня, Го́спода.

2 Закла́ни бы́сте, я́коже а́гнцы, ва́рварскими мечи́ ссека́еми, / и приведо́стеся соверше́нна закла́вшемуся Сло́ву заколе́ния / и в ски́ниих перворо́дных всели́стеся, песнопою́ще: // благослови́те, вся дела́ Госпо́дня, Го́спода.

3 На́зи вся́кия су́ще сла́дости, пра́отцы обнажи́вшаго, / отцы́ преподо́бнии, зле́йшаго врага́ обнажи́сте: / оде́жду же свяще́нну я́ко пострада́вше прии́мше, // сего́ в студ, му́дрии, облеко́сте.

4 Богоро́диченъ: Отверза́ется па́ки Тебе́ ра́ди дре́вний рай, / и в онь вво́дится пре́жде осужде́нный челове́к, и обожа́ется и́стиннейше, / Богоблагода́тная Чи́стая, / челове́ков на обновле́ние вопию́щих: // благослови́те, вся дела́ Госпо́дня, Го́спода.

Хва́лим, благослови́м, покланя́емся Го́сподеви, пою́ще и превознося́ще во вся ве́ки. (покло́нъ)

Катава́сїа:

Ірмо́съ, гла́съ 4‑й: Ру́це распросте́р Дании́л / льво́в зия́ния в ро́ве затче́, / о́гненную же си́лу угаси́ша, / доброде́телию препоя́савшеся, / благоче́стия рачи́тели о́троцы, взыва́юще: // благослови́те, вся дела́ Госпо́дня, Го́спода.

Песнь Богоро́дицы, гла́съ 6‑й / ▲ \
(Часослов. 2002. С. 58)

Дїа́конъ: Богоро́дицу и Ма́терь Све́та в пе́снех возвели́чим.

Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м. (покло́нъ)

Честнѣ́йшую херуві̑мъ, и сла́внѣйшую без̾ сравне́нїѧ серафі̑мъ, без̾ истлѣ́нїѧ Бо́га Сло́ва ро́ждшую, су́щую Богоро́дицу Тѧ̀ велича́емъ.

Я́ко призре́ на смире́ние рабы́ Своея́, / се бо от ны́не ублажа́т Мя́ вси ро́ди. (покло́нъ)

Я́ко сотвори́ Мне вели́чие Си́льный, / и свя́то и́мя Его́, и ми́лость Его́ в ро́ды родо́в боя́щимся Его́. (покло́нъ)

Сотвори́ держа́ву мы́шцею Свое́ю, / расточи́ го́рдыя мы́слию се́рдца их. (покло́нъ)

Низложи́ си́льныя со престо́л, и вознесе́ смире́нныя; / а́лчущия испо́лни благ, и богатя́щияся отпусти́ тщи. (покло́нъ)

Восприя́т Изра́иля о́трока Своего́, помяну́ти ми́лости, / я́коже глаго́ла ко отце́м на́шим, Авраа́му и се́мени его́ да́же до ве́ка. (покло́нъ)

Пѣ́снь 9 / ▲ \
2‑й Богоявле́ния (ірмо́с по 2, тропари́ на 4), глас 2‑й.

Ірмо́съ: О, па́че ума́ Рождества́ Твоего́ чуде́с! / Неве́сто Всечи́стая, Ма́ти Благослове́нная, / Е́юже получи́вше всесоверше́нное спасе́ние, / досто́йно хва́лим, я́ко Благоде́теля, // дар нося́ще — песнь благодаре́ния. (два́жды)

Припѣ́въ: Сла́ва Тебѣ́, Бо́же наш, сла́ва Тебѣ́.

1 Уве́дехом Моисе́ю купино́ю явле́нная, гряди́, стра́нными уста́вы соде́ланная: / я́ко бо спасе́ся, О́гнь нося́щи, Де́ва, Светоно́сна ро́ждши Благоде́теля, // во Иорда́нских же струя́х явле́нна.

2 Помазу́еши, соверша́я челове́ческое существо́, Царю́ Безнача́льне, / Ду́ха обще́нием, струя́ми чи́стыми отмы́в / и тьмы кре́пость же посра́мль возвы́шенную, // ны́не в безпреста́ннем возда́ти житии́.

Мчч. Ерми́ла и Стратони́ка (на 4), глас 8‑й.

Ірмо́съ: Устраши́ся всяк слух / неизрече́нна Бо́жия снизхожде́ния, / я́ко Вы́шний во́лею сни́де да́же и до пло́ти, / от Деви́ческаго чре́ва быв Челове́к. // Те́мже Пречи́стую Богоро́дицу, ве́рнии, велича́ем.

Припѣ́въ: Святі́и му́ченицы Ермѵ́ле и Стратоні́че, моли́те Бо́га о насъ.

1 Ве́трилом му́ченицы Христо́вы му́к преплы́вше пучи́ну, / устреми́стеся ко приста́нищем поко́я, иде́же му́чеников ли́ки, пра́ведных собо́ри, // иде́же незаходи́мый Свет, и ра́дость пра́зднующих в Ду́се.

2 Днесь па́мять свяще́нную страда́ния ва́шего, всеблаже́ннии, Це́рковь Христо́ва соверша́ющи, / пра́зднует ра́достный и светоно́сный пра́здник, Бо́га велича́ющи, Венцеда́вца ва́шего, // велича́ющаго вас, я́ко уго́дники.

3 Взя́стеся к пресве́тлей свиде́тельства и́стинно высоте́, святи́и, / и восприя́сте жела́ния край, / и́стинно блаже́ннии Ца́рствие Бо́жие прие́мше недви́жимое, // му́чениче Стратони́че с Ерми́лом му́дрым и Богоразу́мным.

4 Богоро́диченъ: Пощади́ мя́, Спа́се, рожде́йся и сохрани́вый Ро́ждшую Тя́ нетле́нну по рождестве́, / егда́ ся́деши суди́ти дела́ моя́, / беззако́ния презира́я и грехи́ моя́, я́ко Безгре́шен, // я́ко Бог Ми́лостив и Человеколю́бец.

Прпп. оте́ц, в Сина́е и Раи́фе (на 4), глас 4‑й.

Ірмо́съ: Ка́мень нерукосе́чный / от несеко́мыя горы́ Тебе́, Де́во, / краеуго́льный отсече́ся, / Христо́с, совокупи́вый разстоя́щаяся естества́: // Тем веселя́щеся, Тя́, Богоро́дице, велича́ем.

Припѣ́въ: Преподо́бніи отцы́, моли́те Бо́га о насъ.

1 Священносло́вии преподо́бными свяще́нныя, прииди́те, / отцы́, в Раи́фе и в Сина́и пожи́вшыя в преподо́бии, благоче́стно пострада́вшыя // велегла́сно велича́ем.

2 Те́ло и ду́шу Го́споду освяти́сте преподо́бно, / воздержа́ния по́ты освяти́вшеся // и кро́вными тече́нии изсуши́вше ва́рварския зло́бы мо́ре.

3 Богосия́нная ва́ша па́мять, восто́ками просвеща́ема, / за Христа́ ва́ших боле́зней, помышле́ния всех, блаже́ннии, озаря́ет // благода́тию Вседе́теля и Боже́ственнаго Ду́ха.

4 Богоро́диченъ: Трепе́щут Херуви́ми, зря́ще на Них: / неизглаго́ланным сло́вом седя́щаго Сло́ва, / Ма́терними рука́ми Младе́нца держи́ма Твои́ми, Пресвята́я Влады́чице, // вы́шши вся́кия тва́ри.

Катава́сїа:

Ірмо́съ, гла́съ 4‑й: Ка́мень нерукосе́чный / от несеко́мыя горы́ Тебе́, Де́во, / краеуго́льный отсече́ся, / Христо́с, совокупи́вый разстоя́щаяся естества́: // Тем веселя́щеся, Тя́, Богоро́дице, велича́ем.

По 9‑й пѣ́сни [БУ] / ▲ \
Ектенїѧ̀ ма́лаѧ / ▲ \
(Служебник. 2003. С. )

Па́ки и па́ки ми́ромъ Го́споду помо́лимсѧ.

Ли́къ: Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Ли́къ: Го́споди, поми́луй.

Ли́къ: Тебѣ̀, Го́споди.

Возгла́съ: Я́кѡ Тѧ̀ хва́лѧтъ всѧ̑ си̑лы небе́сныѧ, и Тебѣ̀ сла́ву возсыла́емъ, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Пѣснопѣ́нїѧ / ▲ \
Свѣти́ленъ прпп. оте́ц, в Сина́е и Раи́фе.
Подо́бенъ: Ду́хом во святи́лищи: (Минея январь. Ч. 1. 2002. С. 541)

Боле́зньми по́стничества злонача́льнаго зми́я до конца́ уби́сте, / при кончи́не же вене́ц муче́ния прия́сте, / отце́в похвало́ и му́чеников сла́ва, // и́же в Раи́фе и Сина́и всесвяще́нное мно́жество чу́дных отце́в.

Сла́ва, и ны́нѣ, свѣти́ленъ попра́зднства: (Минея январь. Ч. 1. 2002. С. 541)

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Све́та незаходи́маго бысть настоя́щий день: / Христо́с бо И́стина прии́де ны́не и яви́ся. / Псалмы́ Того́ досто́йно и пе́сньми воспои́м, я́ко Соде́теля же и Влады́ку. / О но́ваго та́инства! // Ада́мов Творе́ц во́лею Челове́к яви́ся.

Хвали́тные ѱалмы́ / ▲ \
(Часослов. 2002. С. 60)

Псалом 148:

1-й ли́къ: Хвали́те Го́спода с небе́с. Тебе́ подоба́ет песнь Бо́гу.

Па́ки 1-й ли́къ: Хвали́те Го́спода с небе́с, хвали́те Его́ в вы́шних. Тебе́ подоба́ет песнь Бо́гу.

2-й ли́къ: Хвали́те Его́, вси а́нгели Его́, хвали́те Его́, вся си́лы Его́. Тебе́ подоба́ет песнь Бо́гу.

1 Хвали́те Его́, со́лнце и луна́, хвали́те Его́, вся зве́зды и свет.

2 Хвали́те Его́ Небеса́ небе́с и вода́, я́же превы́ше небе́с, да восхва́лят и́мя Госпо́дне.

1 Я́ко Той рече́, и бы́ша; Той повеле́, и созда́шася.

2 Поста́ви я́ в век и в век ве́ка: повеле́ние положи́, и не ми́мо и́дет.

1 Хвали́те Го́спода от земли́ зми́еве, и вся бе́здны:

2 Огнь, град, снег, го́лоть, дух бу́рен, творя́щая сло́во Его́.

1 Го́ры и вси хо́лми, древа́ плодоно́сна и вси ке́дри.

2 Зве́рие и вси ско́ти, га́ди и пти́цы перна́ты.

1 Ца́рие зе́мстии и вси лю́дие, кня́зи и вси судии́ зе́мстии.

2 Ю́ноши и дѣ́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго.

1 Испове́дание Его́ на земли́ и на небеси́, и вознесе́т рог люде́й Свои́х,

2 Песнь всем преподо́бным Его́, сыново́м Изра́илевым, лю́дем, приближа́ющымся Ему́.

Псалом 149:

1 Воспо́йте Го́сподеви песнь но́ву, хвале́ние Его́ в це́ркви преподо́бных.

2 Да возвесели́тся Изра́иль о Сотво́ршем его́, и сы́нове Сио́ни возра́дуются о Царе́ свое́м.

1 Да восхва́лят и́мя Его́ в ли́це, в тѷмпа́не и псалти́ри да пою́т Ему́.

2 Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние.

1 Восхва́лятся преподо́бнии во сла́ве и возра́дуются на ло́жах свои́х.

2 Возноше́ния Бо́жия в горта́ни их, и мечи́ обою́ду остры́ в рука́х их:

1 Сотвори́ти отмще́ние во язы́цех, обличе́ния в лю́дех.

2 Связа́ти цари́ их пу́ты, и сла́вныя их ручны́ми око́вы желе́зными.

1 Сотвори́ти в них суд напи́сан: сла́ва сия́ бу́дет всем преподо́бным Его́.

Псалом 150:

2 Хвали́те Бо́га во святы́х Его́, хвали́те Его́ во утверже́нии си́лы Его́.

1 Хвали́те Его́ на си́лах Его́, хвали́те Его́ по мно́жеству вели́чествия Его́.

2 Хвали́те Его́ во гла́се тру́бнем, хвали́те Его́ во псалти́ри и гу́слех.

1 Хвали́те Его́ в тимпа́не и ли́це, хвали́те Его́ во стру́нах и орга́не.

2 Хвали́те Его́ в кимва́лех доброгла́сных, хвали́те Его́ в кимва́лех восклица́ния. Вся́кое дыха́ние да хва́лит Го́спода.

Сла́ва, и ны́нѣ: Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Тебѣ̀ сла́ва подоба́етъ, Го́споди Бо́же на́шъ, и Тебѣ̀ сла́ву возсыла́емъ, Ѻтцу̀, и Сы́ну, и Свѧто́му Ду́ху, ны́нѣ и при́снѡ, и во вѣ́ки вѣкѡ́въ. Ами́нь.

Славосло́вїе вседне́вное / ▲ \
(Часослов. 2002. С. 67)

Сла́ва Тебѣ̀, показа́вшему на́мъ свѣ́тъ.

Сла́ва въ вы́шнихъ Бо́гу, и на землѝ ми́ръ, въ человѣ́цѣхъ благоволе́нїе. Хва́лимъ Тѧ̀, благослови́мъ Тѧ̀, кла́нѧемъ Тѝ сѧ, славосло́вимъ Тѧ̀, благодари́мъ Тѧ̀, вели́кїѧ ра́ди сла́вы Твоеѧ̀. Го́споди Царю̀ небе́сный, Бо́же Ѻ́тче вседержи́телю, Го́споди Сы́не єдиноро́дный Іису́се Хрїстѐ, и Свѧты́й Ду́ше: Го́споди Бо́же, А́гнче Бо́жїй, Сы́не Ѻте́чь, взе́млѧй грѣ́хъ мі́ра, поми́луй на́съ: взе́млѧй грѣхѝ мі́ра, прїимѝ моли́тву на́шу: сѣдѧ́й ѡдесну́ю Ѻтца̀, поми́луй на́съ. Я́кѡ Ты̀ єсѝ єди́нъ свѧ́тъ, Ты̀ єсѝ єди́нъ Госпо́дь, Іису́съ Хрїсто́съ, въ сла́ву Бо́га Ѻтца̀. Ами́нь.

На всѧ́къ де́нь благословлю́ Тѧ̀, и восхвалю̀ и́мѧ Твоѐ во вѣ́ки, и въ вѣ́къ вѣ́ка.

Го́споди, прибѣ́жище бы́лъ єсѝ на́мъ въ ро́дъ и ро́дъ. А́зъ рѣ́хъ: Го́споди, поми́луй мѧ̀, исцѣлѝ ду́шу мою̀, я́кѡ согрѣши́хъ Тебѣ̀. Го́споди, къ Тебѣ̀ прибѣго́хъ, научи́ мѧ твори́ти во́лю Твою̀, я́кѡ Ты̀ єсѝ Бо́гъ мо́й: я́кѡ у Тебѐ исто́чникъ живота̀, во свѣ́тѣ Твое́мъ у́зримъ свѣ́тъ. Проба́ви ми́лость Твою̀ вѣ́дущымъ Тѧ̀.

Та́же:

Сподо́би Го́споди въ де́нь се́й без̾ грѣха̀ сохрани́тисѧ на́мъ. Благослове́нъ єсѝ Го́споди Бо́же ѻтє́цъ на́шихъ, и хва́льно и просла́влено и́мѧ Твоѐ во вѣ́ки. Ами́нь.

Ектенїѧ̀ проси́тельнаѧ / ▲ \
(Служебник. 2003. С. 68)

Испо́лним у́треннюю моли́тву на́шу Го́сподеви.

Го́споди, поми́луй.

Заступѝ, спасѝ, поми́луй и сохранѝ на́съ Бо́же, Твое́ю благода́тїю.

Го́споди, поми́луй.

Дне всего́ соверше́нна, свя́та, ми́рна и безгре́шна, у Го́спода про́сим.

Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Пода́й, Го́споди.

До́брых и поле́зных душа́м на́шим, и ми́ра мірови, у Го́спода про́сим.

Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Пода́й, Го́споди.

Тебѣ̀, Го́споди.

Возгла́съ: Я́кѡ Бо́гъ ми́лости, щедро́тъ и человѣколю́бїѧ єсѝ, и Тебѣ̀ сла́ву возсыла́емъ, Ѻтцу̀ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

Ми́ръ все́мъ.

Лю́дїе: И ду́хови твоему́.

Главы̑ на́шѧ Го́сподеви прикло́нимъ.

Тебѣ̀, Го́споди.

И свѧще́нникъ глаго́летъ моли́тву сїю̀ та́йнѡ:

Го́споди святы́й, в вы́шних живы́й и на смире́нныя призира́яй, и всеви́дящим о́ком Твои́м призира́яй на всю тварь, Тебе́ приклони́хом вы́ю се́рдца и телесе́, и мо́лимся Тебе́: простри́ ру́ку Твою́ неви́димую от свята́го жили́ща Твоего́ и благослови́ вся ны́. И а́ще что согреши́хом, во́лею или́ нево́лею, я́ко благ и человеколю́бец Бог прости́, да́руя нам мі́рная и премі́рная блага́я Твоя́.

Возгла́съ: Твое́ бо є́сть є́же ми́ловати и спаса́ти ны̀ Бо́же на́шъ, и Тебѣ̀ сла́ву возсыла́емъ, Ѻтцу́ и Сы́ну и Свѧто́му Ду́ху, ны́нѣ и при́снѡ, и во вѣ́ки вѣкѡ́въ.

Ами́нь.

На стїхо́внѣ стїхи́ры [БУ] / ▲ \
Попра́зднства, гла́съ 6‑й.
Подо́бенъ: А́нгельския: (Минея январь. Ч. 1. 2002. С. 541)

Прииди́те, и мы в чу́встве се́рдца притеце́м, ве́рнии.

Прииди́те, и мы в чу́встве се́рдца притеце́м, ве́рнии, / к струя́м Иорда́нским, / и Христа́ ви́девше, / пло́тию креща́ема от Иоа́нна Предте́чи, / ны́не с ним славосло́вяще, Тому́ возопии́м: // благослове́н, явле́йся Бо́же наш, сла́ва Тебе́.

Сті́хъ: Мо́ре ви́де и побеже́, / Иорда́н возврати́ся вспя́ть.

Иессе́ев ны́не прозябе́ же́зл, / Боже́ственный Киво́т и ма́нны Прия́телище, / из Него́же произы́де Цвет жи́зни Нетле́нный: / Его́же Иорда́н убоя́вся, / и Иоа́нн руко́ю прикосну́вся Христу́ зовя́ше: // благослове́н, явле́йся Бо́же наш, сла́ва Тебе́.

Сті́хъ: Что ти́ есть, мо́ре, я́ко побе́гло еси́? / И тебе́ Иорда́не, я́ко возврати́лся еси́ вспя́ть?

Воспо́йте пе́сни, Небе́сныя си́лы, / по́йте, челове́цы, и ра́дуйтеся согла́сно: / се́ бо Влады́ка, О́тчее сия́ние, / гряде́т к струя́м Иорда́нским, да крести́тся от раба́. / Лю́дие, воззове́м: // благослове́н, явле́йся Бо́же наш, сла́ва Тебе́.

Сла́ва, прпп. оте́ц, в Сина́е и Раи́фе, гла́съ 8‑й: (Минея январь. Ч. 1. 2002. С. 542)

Сла́ва Отцу́, и Сы́ну, и Свято́му Ду́ху.

Блаже́ни есте́, преподо́бнии и му́ченицы Христа́ Бо́га: / преподо́бнии у́бо, я́ко пра́вды ра́ди изгна́стеся, / му́ченицы же, я́ко меч вас не разлучи́ от любве́ Христо́вы. / И сего́ ра́ди ра́дуетеся, // я́ко мно́га мзда́ ва́ша на Небесе́х.

И ны́нѣ, Богоявле́ния, гла́съ 8‑й. Анато́лиево: (Минея январь. Ч. 1. 2002. С. 542)

И ны́нѣ, и при́сно, и во вѣ́ки вѣко́въ. Ами́нь.

Днесь тварь просвеща́ется, / днесь вся́ческая веселя́тся, / Небе́сная вку́пе и земна́я, / А́нгели и челове́цы смеша́ются, / иде́же бо Царе́во прише́ствие, и чин прихо́дит. / Теце́м у́бо на Иорда́н / и ви́дим вси Иоа́нна: / ка́ко креща́ет Верх Нерукотворе́нный и Безгре́шный? / Те́мже, апо́стольский глас припева́юще, согла́сно возопие́м: / яви́ся благода́ть Бо́жия спаси́тельная всем челове́ком, // озаря́ющи и подаю́щи ве́рным ве́лию ми́лость.

«Бла́го есть» / ▲ \
(Часослов. 2002. С. 70)

Бла́го є́сть исповѣ́датисѧ Го́сподеви, и пѣ́ти и́мени Твоему̀, Вы́шнїй: возвѣща́ти зау́тра ми́лость Твою̀, и и́стину Твою̀ на всѧ́ку но́щь.

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Го́споди, поми́луй. (три́жды)

Сла́ва Ѻтцу́, и Сы́ну, и Свѧто́му Ду́ху, и ны́нѣ и при́снѡ, и во вѣ́ки вѣкѡ́въ. Ами́нь.

Ами́нь.

Тропари́ у́трени [БУ] / ▲ \
Му́чеником (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Сла́ва, свтт. и прпп. (общ.), гла́съ 4‑й (пи́санъ на ряду́): (Минея январь. Ч. 1. 2002. С. 531)

Сла́ва Отцу́, и Сы́ну, и Свято́му Ду́ху.

И ны́нѣ, Богоявле́ния, гла́съ 1‑й: (Минея январь. Ч. 1. 2002. С. 236)

И ны́нѣ, и при́сно, и во вѣ́ки вѣко́въ. Ами́нь.

Ектенїѧ̀ сугу́баѧ / ▲ \
(Служебник. 2003. С. 65)

Поми́луй нас, Бо́же, по вели́цей ми́лости Твое́й, мо́лим Ти́ ся, услы́ши и поми́луй.

Го́споди, поми́луй. (три́жды)

Ами́нь.

Оконча́нїе у́трени / ▲ \
По возгла́се же: (Служебник. 2003. С. 70)

Дїа́конъ: Прему́дрость.

Благословѝ.

Свѧще́нникъ: Сы́й благослове́нъ Хрїсто́съ Бо́гъ на́шъ, всегда̀, ны́нѣ и при́снѡ, и во вѣ́ки вѣкѡ́въ.

Ами́нь.

Количество просмотров: (46)

Православный календарь

Икона дня

Свежие записи

26 января 2024 года

Поделиться:

Православный календарь

Икона дня

Свежие записи